ԲՏԱ նախարարը որ ընկնում ա, ՔՊ-ում դանակավորները շատանում են. ԸՆԿԵՐ ՓԱՆՋՈՒՆԻ

ՖԵՄԻԴԱՅԻՑ ՍՈՒՐԲԸ

( ԱՐԴԱՐԱԴԱՏՈՒԹՅԱՆ ՆԱԽԱՐԱՐ ՍՐԲՈՒՀԻ ԳԱԼՅԱՆԻ ԿՈՂՄԻՑ` ՓՈԽՆԱԽԱՐԱՐՆԵՐԻՆ ԱՇԽԱՏԱՆՔԻՑ ԱԶԱՏԵԼՈՒ ԿԱՊԱԿՑՈՒԹՅԱՄԲ)

 Ըստ իրավական համքարության` էտ սկզբից ա Գալյանը «սրբուհի»,  հետո մեկtա նախարարության «հրավերը» ուտելու ա։

 **

 ՔԱՂԱՔԱԿԱՆ ԷՐՈՏԻԿԱ

 (ԳՈՒՐԳԵՆ ԱՐՍԵՆՅԱՆԻ ԿՈՂՄԻՑ` ՌԴ ՀԱՅԵՐԻ «ՍԵՎ ՑՈՒՑԱԿԸ» ՆԻԿՈԼԻՆ ՓՈԽԱՆՑԵԼՈՒ ՄԱՍԻՆ ԼՈՒՐԸ ԱՆՀԵԹԵԹ ԱՆՎԱՆԵԼՈՒ ԿԱՊԱԿՑՈՒԹՅԱՄԲ)

 ԱԳՆ-ից հայտնում են, որ այդ ցուցակը, այնուամենայնիվ, կա, ուղղակի այն բացարձակ սեւ չի, այլ ավելի շատ «մոխրագույնի 50 երանգների» կրկնօրինակն է։

 **

 ԴԱՍԱԿԱՆ

(ՀՈՎԻԿ ԱՂԱԶԱՐՅԱՆԻ ՈՐԴԻՆ` ԱՇԽԱՏԱՆՔԻՑ ԱԶԱՏՎԵԼՈՒՑ ՀԵՏՈ)

 — Скажи-ка, папа, ведь не даром телефон,

 спаленная «пожаром», Николу отдана?

**

 ԻՐԱՎԻՃԱԿ

 (ԼՈՒԼՈՒԻՆ ԵՎ ԱՐՓԻ ԴԱՎՈՅԱՆԻՆ ՄԱՆԴԱՏՆԵՐԻՑ  ԶՐԿԵԼՈՒ` ՆԻԿՈԼԻ ՑԱՆԿՈՒԹՅԱՆ ԼՈՒՐԵՐԻ ԿԱՊԱԿՑՈՒԹՅԱՄԲ)

 Դե, Նիկոլը վերոնշյալ տիկնանց հազիվ էլ մանդատից զրկի, էլ ինչից կարա զրկի։

 **

 ՀՆԴԿԱՍՏԱՆԸ ԻՄ ՀԱՅՐԵՆԻՔՆ Է

 (ԱԼԵՆ ՍԻՄՈՆՅԱՆԸ` ՀՆԴԿԱՍՏԱՆ ԱՅՑԻՑ ՀԵՏՈ)

 Հնդկաստանը համարյա Աղդամի չափ սիրում եմ։

 **

 ԱԼԻՆ ՈՒ ՎԱԼԻՆ

 (ԳՅՈՒՄՐԻՈՒՄ ՄԻԱՅՆ ԱՆՆԱՅԻՆ ԾԱՂԻԿՆԵՐ ՆՎԻՐԵԼՈՒ ԿԱՊԱԿՑՈՒԹՅԱՄԲ)

 Ինչ որ Աննային ա հասնում, Ժաննային չի հասնում:

 **

 ՍԱՍՈՒՆՑԻ ԴԱՎԹԻ ԺԱՌԱՆԳՆԵՐԸ

 (ՊՈՒՏԻՆԻ` «ՕՐԵՇՆԻԿ» ՀՐԹԻՌՆԵՐԻ` ԱՐԵՎՄՈՒՏՔԻՆ ՀԱԿԱՕԴԱՅԻՆ ՀԱՄԱԿԱՐԳԵՐԻ ՎՐԱ ՓՈՐՁԱՐԿԵԼ ԱՌԱՋԱՐԿԵԼՈՒ ԿԱՊԱԿՑՈՒԹՅԱՄԲ)

 Հետո չասեք` Պուտինը գող -գող եկավ, գող- գող գնաց։

**

 ՔՊ-ԱԿԱՆՆԵՐԻ ՏՐՏՈՒՆՋԸ

 (ՆԻԿՈԼԻ` «ՎԵՐ ԵՔ  ԸՆԿԵԼ ՏԵՂՆԵՐԴ, ԳՈՐԾ ՉԵՔ ԱՆՈՒՄ» ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Ա´յ մարդ, էս մարդուց գլուխ չենք հանում, մեկ ասում ա` վեր ընկեք տեղներդ, մեկ ասում ա` մի ընկեք։

 **

 ՏԱՐՈՍԸ` ԿԱՄՈ ԱՐԵՅԱՆԻՆ

 (ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐԻ ՏԵՂԱԿԱԼ ՎԱՉԵ  ՏԵՐՏԵՐՅԱՆԻՆ ԱՇԽԱՏԱՆՔԻՑ ԱԶԱՏԵԼՈՒ ԿԱՊԱԿՑՈՒԹՅԱՄԲ)

 Նրանք պաշտոնավարել են դեռեւս Կերենսկու օրոք։

 **

 ՏՐՈՐՎԱԾ ԱՐԱՀԵՏՆԵՐ

 (ԱՆՆԱ ՀԱԿՈԲՅԱՆԻ `ՎԱՐՉԱՊԵՏ  ԴԱՌՆԱԼ ՑԱՆԿԱՆԱԼՈՒ ԼՈՒՐԵՐԻ ԿԱՊԱԿՑՈՒԹՅԱՄԲ)

 Ըստ հեքիաթասացների` իշխանություն տենչալուց մինչեւ կոտրված տաշտակի առջեւ հայտնվելը կես քայլ է։

 **

 ՀԻՆ ԱՍԱՑՎԱԾՔԸ` ՆՈՐՈՎԻ

 Երեւանի քաղաքային հասարակական տրանսպորտի թանկացնելը մի այիբ ա, չթանկացնելը` երկու։

 **

ԿԱՐՄԻՐ ԾԱՂԻԿ ՄԸ ԳԱՐՈՒՆԻ

 (ԺԱՆՆԱ ԱՆԴՐԵԱՍՅԱՆԻ` ՌՈԲԵՐՏ ԱՄԻՐԽԱՆՅԱՆԻ ԲՆԱԿԱՐԱՆ ԱՅՑԵԼԵԼՈՒ, ԵՎՍ ՄԵԿ ԱՆԳԱՄ ՆՐԱ ԾՆՈՒՆԴԸ ՇՆՈՐՀԱՎՈՐԵԼՈՒ ԿԱՊԱԿՑՈՒԹՅԱՄԲ)

 Ըստ արվեստագետների` Ռոբերտ Ամիրխանյանին Աննայի կողմից հանրայնորեն փչացնելուց հետո` իշխանությունը չի բավարարվել, հլա մի հատ էլ ժաննային են ուղարկել` վերջնական «դաբիտ» անելու։

**

ԲԱՐԼՈՒՍՆԵՐԴ ՍԿՍԵՔ ԱՆՆԱՅԻ ՀԵՏ

(ԱՆՆԱ ՀԱԿՈԲՅԱՆԸ`ԼՐԱՏՎԱՄԻՋՈՑՆԵՐԻՆ ԽԱՇԻ ՀՐԱՎԻՐԵԼՈՒ ԿԱՊԱԿՑՈՒԹՅԱՄԲ)

Ըստ Խոհարարների միության` Աննա Հակոբյանի խաշի հրավերի արարողության ժամանակ խաշը մատուցելու է անձամբ Նիկոլ Փաշինյանը, իսկ սխտորը` Արայիկ Հարությունյանը:

**

ՇՈՒՆԲԱԶ ՊԵՏՐՈՍԻ ՇՈՈՒՆԵՐԸ ՇԱՐՈՒՆԱԿՎՈՒՄ ԵՆ

Շունբազների միությունից հայտնում են, որ Պետրոս Ղազարյանը Հ1-ի եթերում սկսել է շուն կռվացնել:

**

ՀԱՐԱՄ ԼԻՆԻ ՁԵՐ ԿԵՐԱԾԸ

Սննդի անվտանգության տեսչությունից հայտնում են, որ ԳՈՒՄ-ի շուկայից վերջերս բռնագանձված հսկայական քանակի միսը ոչնչացվել է ուտելու միջոցով: