Ռուսական ուժերն բեկումային առաջխաղացում ունեն Պոկրովսկի ճակատում

Ռուսական րաձրակումը կենտրոնական Դոնբասի ամենաառանցքային հանգույցի` Պոկրովսկի ուղղությամբ այս օրերին կտրուկ ակտիվացել է: Այն կարգի, որ ամգամ ուկրաինական ռեսուրսներն են տարակուսած, թե ինչպես է հնարավոր նման արագ շարժ, այն էլ ներկա ցեխապատ ճանապարհով, որտեղ անգամ զրահատեխնիկան շարժունակություն գրեթե չունի:

Ամեն դեպքում, Պոկրովսկի հարավային թեւում նախօրեին ռուսները փակեցին Սելիդովոյի ճանապարհը` մոտենալով Նովոտրոիցկոե - Շևչենկո գծին: Տվյալ հատվածում առանցքային այս երկու բնակավայրերից առաջինը ռուսները գրավեցին մեկ ոչ լրիվ օրվա մեջ: Այսօր կեսօրի դրությամբ ռուսները վերահսկում էին նաեւ Շեւչենկոյի մեծ մասը: Ավելին, հարձակում սկսվեց նաեւ Շեւչենկոյից արեւելք, որտեղ ռուսները հասան Նովիյ Տրուդ, Զելյոնոյե, Դաչենսկոե բնակավայրերին:

Բայց ասել, թե ռուսները ուղիղ կհարվածեն Պոկրովսկին, սխալ կլիներ:

Այսպես, Նովոտրոիցկոեից ռուսական ուժերն արդեն հարվածում են դեպի արեւմուտք` մայրուղու երկայնքով դեպի Նովովասիլեվկա-Նովոսերգեեւկա, որից այն կողմ Դնեպրոպետրովսկի մարզն է: Իսկ ահա Շևչենկոյից, ենթադրաբար, ռուսական ուժերը, կհարվածեն Պոկրովսկից արեւմուտք` հիմնական թիրախ ունենալով Դնեպրոպետրովսկի (քաղաքի) մայրուղին: Դրանով փաստացի ողջ կենտրոնական Դոնբասը կկտրվի Դնեպրոպետրովսկից իրականացվող մատակարարումներից:

Այս պահին արդեն ռուսական անօդաչուները հարվածներ են հասցնում Դնեպրոպետրովսկ-Պոկրովսկ մատակարարման երթուղու երկայնքով, ինչը նշանավորեց տրանսպորտային շրջափակման սկիզբը, պոկրովսկյան ագլոմերացիայի համար։