Շատ դեպքերում ոլորտի ազդեցիկ ֆիգուրները մնում են ազգիս իրավաբանի «կոկորդին».երբ առողջապահության համակարգը «բլանդում» է Ավանեսյանը. Newsmedia.am

Բազմաթիվ անգամներ խոսելով երկրի ներսում առկա բացթողումների, եւ ահագնացող ներքին ու արտաքին մարտահրավերների մասին, միշտ եմ ընդգծել կարեւորի մասին.որ ժամ առաջ մեզ սթափվել է պետք , քանի որ մենք կանգնած ենք «կռախի», երկիրը կորցնելու սահմանգծի առաջ, եւ որ մենք այլեւս սխալվելու իրավունք չունենք երբեք:
Սակայն արի ու տես, որ հակառակ իրողությունների, ժամ առ ժամ ոլորտ առ ոլորտ կոլապս ենք ապրում՝ քանի որ պատասխանատու պոստերին սոսնձվել են անդեմ ու անկարող կառավարիչներ, ովքեր շատ դեպքերում պետական ու հանրային շահը շփոթում են սեփական դեմագոգիան ու սեփական ամբիցիաները սպառելու հետ, որի արդյունքում տուժում է ՀՀ քաղաքացին, տվյալ ոլորտը, պետությունը. մենք, բոլորս:
Զորօրինակ, այս տարիների ընթացքում նույն քաոսն ու ապատիան տիրում է Անահիտ Ավանեսյանի ղեկավարած հիմնարկում, ուր բառիս բուն իմաստով խարխլվում, փլվում է մի ամբողջ առողջապահական համակարգ,ու դա նախ եւ առաջ այն պատճառով, որ համակարգի գլխին կանգնած է ոչ թե առողջապահության ոլորտի գիտակը, այլ թավշիստների սրտի իրավաբանը…

Լավատեղյակները հաճախ են բարձրաձայնում այն մասին, որ ամբիցիաների տակ մնացած Ավանեսյանի «կապրիզների» արդյունքում վարի է գնում ոլորտը, քանզի անպտուղ կառավարման արդյունքում մսխվում է նույնիսկ նախկին կառավարիչների օրոք արած-դրածը: Որի արդյունքում ի դեպ, քիչ չեն լինում դեպքերը, երբ տուժում է շատ ու շատ բուժհաստատությունների, մասնագետների, վաստակ ու կշիռ ունեցող մասնագետների վարկն ու հեղինակությունը, քանի որ միշտ չէ, որ իրավաբան Անահիտը՝(դե Անոներն անպակաս են թավշիստներից… ) ի զորու է հանդուրժելու ոլորտի գիտակներին ու բանիմացներին: Շատ դեպքերում, ոլորտի ազդեցիկ ֆիգուրները մնում են ազգիս իրավաբանի «կոկորդին», քանի որ օդում բռնում են Ավանեսյան Անահիտի դարակազմիկ կիքսերն ու բացթողումները:

Հետեւաբար, թավշիստների գունագեղ թեւերով նախարար կարգված Ավանեսյանի յուրաքանչյուր բացթողում եւ արկածախնդրություն շարունակում է ուղիղ հարված հասցնել օրվա իշխանությանը, նույն Փաշինյանին ու նրա յուրայիններին, որից հետեւություններ պետք է անի նախ եւ առաջ անձամբ Փաշինյանը:
Եւ մինչ պարբերաբար եւ հանգամանալից կանդրադառնանք Ավանեսյանի թեթեւ ձեռերով ոլորտը քանդուքարափ անելու նուրբ արվեստին, սկզբի համար նախ եւ առաջ պատկան այրերն ու կառավարության ղեկավարը թող պատասխանեն այն հարցին, թե օրինակ
բժշկական կազմակերպությունների կողմից մատուցված ծառայությունների դիմաց պետական բյուջեի կուտակած պարտքերն ով է հատուցելու, ում «քթից են բռնելու» ու խնդիրը կարգավորելու կամ «ջրելու», եւ վերջապես ինչով է զբաղված ազգիս իրավաբանը՝ նույն ինքը Անահիտ Ավանեսյանը թե երբ են լուծվելու այս հարցերը ու ինչպես:

Ի դեպ, թեմային դեռեւս ամիսներ առաջ տեղին անդրադարձ էր կատարել առողջապահության նախկին նախարար Արսեն Թորոսյանը, ում հարցադրումը ներկայացնում ենք ստորեւ…

Այս իրավիճակը պետք է շտկել եւ խնդիրը կարգավորել հիմնավորապես, քանի որ այն կարող է բերել վատ հետևանքների բժշկական կենտրոնների և ընդհանուր առողջապահական համակարգի համար:

Իսկ հաջորդ հրապարակման շրջանակներում. ոչ պակաս լրջագույն հարցադրումներ ունենք անելու Ավանեսյան Անահիտին եւ Փաշինյան  Նիկոլին. հասկանալու թե էդ ինչպես եղավ, որ բազում խայտառակ ու սկանդալային իրողություններից հետո, Ավանեսյանը շարունակեց սոսնձված մնալու յուր բազկաթոռին, հատկապես այն ողբերգական էջից հետո երբ 44-օրյա պատերազմից հետո զոհերի դիերն ու մասունքները ոչ պատշաճ վիճակում պահելուց հետո հանձնեցին բազում ծնողների:

Սկզբնաղբյուր Newsmedia.am