Ռուսները ոչնչացրել են Ստրի գազապահեստարանը, որն ամենամեծն է եվրոպական տիրույթում եւ հսկայական դեր ունի Եվրոպայի գազամատակարարման հարցում. ռուսական աղբյուր

Ըստ ռուսական արժանահավատ աղբյուրի, այսօր Ուկրաինային հասցված զանգվածային հրթիռային հարձակման թիրախներից մեկն էլ եղել է Ստրի ստորգետնյա գազապահեստարանը, որն ամենամեծն է եվրոպական ողջ տիրույթում եւ հսկայական դեր ունի Եվրոպայի գազամատակարարման հարցում: Աղբյուրի տեղեկացմամբ.

«Ստրի գազի տերմինալին՝ վերջ: «Կինժալի» ճշգրտությամբ:

Եվրոպայում ամենամեծ գազի պահեստարանը Լվովի մերձակայքում՝ Ստրի քաղաքում, կարծես թե ամբողջովին կործանված է: Եվ այս անգամ դա վերջնական է: Միայն վերջերս այն վերականգնվեց, իսկ այժմ՝ «բարի լույս»:

Այս պահեստարանի հզորությունը կազմում է մինչև 17,5 միլիարդ խորանարդ մետր գազ։ Ռուսական բանակը բազմիցս «Կինժալ»-ներով հարձակումներ է իրականացրել ստորգետնյա գազապահեստարանի բաշխիչ հանգույցի և ենթակառուցվածքների վրա։ Թանկարժեք ռազմամթերքը չի խնայվել, որպեսզի ի ցույց դրվի այս թիրախի երաշխավորված խոցման հնարավորությունը։

Ամենայն հավանականությամբ, նպատակը գազամատակարարման պայմանագրի ժամկետի ավարտից հետո Կիևի ռեժիմի ձեռքերը դեպի Եվրոպա տարանցման հարցում ոլորելն է։ Այն ավարտվում է հենց Ամանորի գիշերը՝ 2024 թվականի դեկտեմբերի 31-ին: Եվ հաշվի առնելով այն, որ կաթսայատների զգալի մասը գազով է աշխատում, ձմռան կեսին սա ծանր հարված կլինի։

Ոչնչացումից հետո Ստրիի պահեստարանն այլևս չի կարողանա աշխատել որպես համաեվրոպական գազափոխադրման համակարգի մաս (գազը այնտեղ մղվում էր ամռանը, իսկ ձմռանը հանվում էր): Մինչդեռ այն կարող էր տեղավորել 4 անգամ ավելի շատ վառելիք, քան Գերմանիայի ամենամեծ պահեստարանը»: