ԱՄՆ-ի և Իսրայելի նախագահները կհանդիպեն

ԱՄՆ հեռացող նախագահ Ջո Բայդենը այսօր Սպիտակ տանը կհյուրընկալի Իսրայելի նախագահ Իսահակ Հերցոգին։ Հեռացող վարչակազմը ձգտում է առաջընթաց արձանագրել Գազայում և Լիբանանում, նախքան ընտրված նախագահ Դոնալդ Թրամփի իշխանությունը ստանձնելը:

Այս մասին հայտնում է ABC news -ը հղում տալով Իսրայելի նախագահի գրասենյակի հայտարարությանը։ 

Նախագահ Հերցոգի գրասենյակից նաև հայտնել են, որ նախագահը կհանդիպի նաև պատգամավոր Էլիզ Ստեֆանիկի հետ, ում Թրամփը ընտրել է որպես ՄԱԿ-ում ԱՄՆ հաջորդ դեսպան, և սենատոր Լինդսի Գրեհեմին, ով Թրամփի արտաքին քաղաքականության երկարամյա խորհրդականն է։ Հերցոգի այցը տեղի է ունենում այն ​​ֆոնին, երբ Թրամփի անցումային օպերացիան ակտիվանում է, և անմիջապես այն բանից հետո, երբ Իսրայելի վարչապետ Բենիամին Նեթանյահուն հայտնեց իր վերջին սերտ շփումը նորընտիր նախագահի հետ: Հիշեցնենք, որ Նեթանյահուն այս շաբաթ ասաց, որ ինքը երեք անգամ խոսել է Թրամփի հետ նոյեմբերի 5-ի ընտրություններից հետո։

Վարչապետը նկարագրել էր խոսակցությունները որպես «շատ լավ և կարևոր բանակցություններ, որոնք նախատեսված են Իսրայելի և ԱՄՆ-ի միջև ամուր կապի հետագա ամրապնդման համար»: Իսկ կիրակի օրը ընտրված նախագահ Թրամփի հետ հանդիպել է Իսրայելի ռազմավարական հարցերի նախարար Ռոն Դերմերը, այս մասին հայտնում է Axios-ը։

Ակնկալվում է, որ Թրամփը մեծ ուշադրություն կդարձնի Բայդենի դիվանագիտությանը վերջին ամիսներին Մերձավոր Արևելքում, քանի որ նրա վարչակազմը ձգտում է դադարեցնել մարտերը Գազայում և Լիբանանում, ինչպես նաև ազատ արձակել տասնյակ պատանդների, այդ թվում չորս ամերիկացիների, որոնք վերցվել են պաղեստինցի զինյալների կողմից: 2023 թվականի հոկտեմբերի 7-ին ՀԱՄԱՍ-ի հարձակման ժամանակ Իսրայելի հարավում: