Կուրախովոյի հյուսիսային թեւում «կաթսան» փակվում է. Ուկրաինական աղբյուրներ (ՏԵՍԱՆՅՈՒԹ, ՔԱՐՏԵԶ)

Կուրախովոյի հյուսիսային թեւում «Օ» բականախումբը գրեթե գրավել Սոնցովկա բնակավայրը: Արդեն այս պահին Կուրախովոյի ջրամբայի արեւմտյան պատվարով դեպի Կուրախովո տանող ճանապարհը ռուսական հարվածի տակ է: Իսկ Ստարիե Տերնի գյուղակը գրավելու դեպքում ռուսները նաեւ ֆիզիկական վերահսկողություն կունենան այդ ճանապարհի վրա։

Ուկրաինական աղբյուրները եւս հաստատում են այդ իրողությունը: «Մուչնոյ» ազդակոչով ուկրաինական ռազմական աղբյուրը օրակարգ է բերում Կուրախովսկու կաթսայի փակվելու միտքը։

«Ռուսական զորքերը այժմ խիտ տեղավորված են Սոնցովկայի հյուսիսային մասում և շարունակում են ընդլայնել վերահսկողությունը այս գյուղի և Զարյայի միջև: «Կենտրոնի» խումբն արդեն գիտի ինչպես աշխատել, հարվածներն ամեն անգամ ուժեղանում են։ Ռուսները նույնպես կավարտեն Վոզնեսենկայի մաքրումը և Բերեստկիի համար պայքարող խմբի հետ կտեղափոխվեն Ստարիե Տերնի»։

Կուրախովոյի հարավային թեւում ռուսական ուժերը վերջին երկու օրերին դադարի մեջ են: Ըստ փորձագետների, շատ առաջացած ռուսները թիկունքները եւ հատկապես հրետանին մոտեցնելու, որոշ վերախմբավորում իրականացնելու փուլի մեջ են: «Բայց Ստարիե Տերնի ուղղությամբ գրոհի հեն միաժամանակ, ռուսական ուժերը կհարձակվեն նաեւ Կոնստանտինովկա-Դաչնոե ընդհանուր ուղղությամբ` Կուրախովոեի «կաթսան» նաեւ հարավից փակելու հանար»,- կարծում է ռուս փորձագետը: