Մոսկվայում ձյան ու մերկասառույցի պատճառով երթևեկությունը որոշ փողոցներում անհնարին է դարձել

Նոյեմբերի 4-ը դարձել է ամենաձնառատը, Մոսկվայում ձյան ծածկույթի բարձրությունը հասել է 6 սանտիմետրի։ Այս մասին ասել է Ֆոբոս եղանակային կենտրոնի առաջատար մասնագետ Միխայիլ Լեուսը։

Նրա խոսքով՝ երկուշաբթի՝ նոյեմբերի 4-ին, Մոսկվան ապրել է 21-րդ դարում տարվա այս եղանակի ամենաձնառատ օրերից մեկը, գրում է ՌԻԱ Նովոստին։

Ըստ նրա՝ Մոսկվայի մարզում ձյան ծածկը տատանվում է 2-10-ը սանտիմետր: Ամենաշատ ձյունը տեղացել է Նարո-Ֆոմինսկում, որտեղ ծածկույթի խորությունը հասել է 11 սանտիմետրի։

Այսպիսով, Մոսկվան զբաղեցրեց պատվավոր երկրորդ տեղը 21-րդ դարի ամենաձյունառատ նոյեմբերի 4-ի ցանկում։

Սակայն մարզում ձյան ծածկը երկար չի տևի։ Լեուսը նշել է, որ հինգշաբթի օրվանից ձյունը կսկսի ակտիվորեն հալվել։ Սպասվում է, որ մինչև ուրբաթ-շաբաթ այն ամբողջությամբ կվերանա Ռուսաստանի կենտրոնական շրջանների տարածքից։