Իրավիճակն Ուկրաինայի զինված ուժերում աղետալի է, բանակին սպառնում է ոչնչացում. Ռադայի պատգամավոր

Ուկրաինայի Գերագույն Ռադայի պատգամավոր Մարյանա Բեզուգլայան, որի մի շարք սենսացիոն հայտարարություններ` կապված ուկրաինական բանակի եւ հրամանատարության հետ քանիցս պայթյուններ են առաջացրել երկրում, հերթական սկանդալն է պայթեցրել:

«Իրավիճակն ուկրաինական բանակում աղետալի է, հրամանատարությունը գործում է առողջ բանականությանը հակառակ, իսկ Ուկրաինայի զինված ուժերին սպառնում է ոչնչացում»,- ասել է ուկրաինական «գորշ կարդինալ» Երմակի «մարդը» համարվող պատգամավորուհին: Ապա նա նաեւ բացատրել է իր խոսքը.

— Հիմա մարդկանց առաջնագիծ տանում են օդանավակայանների պահպանության ուժերից, հրետանային անձնակազմերից, նույնիսկ Patriot-ից, բոլորին ուղարկում են հետևակ:
— Ճակատում՝ կառավարման փլուզում է։ Անգամ զինամթերք է բաժանվում «ֆավորիտներին» և ոչ օպերատիվ իրավիճակին համապատասխան։ Բրիգադները պետք է զինամթերք առևտուր անեն:
— Սիրսկին, հասկանալով, որ Կուրսկի օպերացիան ձախողվել է, շարժվում է դեպի հարավ։
— Հեռացրեք «Սաշային» (խոսքը Սիրսկու մասին է), աղաչում եմ։

Այն, որ Բեզուգլայան, առանց իր տիրոջ` Երմակի հրանահգների նման բաներ չէր ասի, Ուկրաինայում գիտեն բոլորը: 

Ուկրաինայում նաեւ հասկանում են, որ ներկա իրավիճակն այս կարգի սրվեց այն բանից հետո, երվ Զելենսկին հրամայեց մտնել Կուրսկ, այդ մսաղացում կորցրեց եւ կորցնում է ուկրաինական լավագույն ուժերը, եւ հիմա պարզապես դուրս գալ չի կարող` «էշ նստելը մեկ այիբ է, իջնելը` երկու» սկզբունքով:

Ու հիմա պետք է այդ կատաստրոֆիկ ձակողումները մեկի «գրպանը գցել», եւ ամենահարմարը, իհարկե, գերագույն հրամանատար Սիրսկին է: Հենց նա է մեկը-մեկին կատարում Զելենսկու հրամանները, եւ նրա դերն ի սկզբանե էլ դա էր, որ ամենածանր պահին Զելենսկին նրան «ժերտվա տա»:

Եվ հիմա, երբ Բեզուգլայան նման պայթյուն է առաջացնում, այն տպավորությունն է, որ վիճակն արդենբ այնքան վատ է, որ «ժերտվա» օպերացիան պետք է խաղարկել:

Բայց դրանից բան չի փոխվի. Սիրսկուն երեւի կազատեն, հավատարմության համար մի «թուլափայ» կտան, ու նա մի տեղ «կանհետանա»: Իսկ այն ողբերգական վիճակը, որը նկարագրում է Բեզուգլայան, արդեն փոխել հնարավոր չէ:

Չնայած, Բեզուգլայան համարվում է նաեւ ամերիկյան որոշ քաղաքական ուժերի խոսափողը, և այս ամբողջ ներքին աղմուկը նաեւս ազդեցության ոլորտների վերաբաշխում է։ Բայց անգամ դա բանակի ընդհանուր վիճակի վրա չի ազդում: Այսինքն, որ Սիրսկին սկսել է ճակատ` որպես հետեւակ ուղարկել բրժիշկներին, ՀՕՊ անձնակազմերին (50 տոկոս), հրետանավորներին, ավիացիոն ուժերին, մեկ բան է նշանակում` առաջնագծում վիճակը վիճակ չէ: