Կուրախովոյի հարավային թեւում ռուսները վերսկսեցին լայն ճակատով հարձակումը (Քարտեզ)

Կուրախովոյի հարավային թեւում, առավոտյան տվյալներով, ռուսական ուժերը վերահսկողության տակ են առել Տրուդովոյե և Մաքսիմովկա բնակավայրերը (Քարտեզում): Այսպիսով, ռուսները հարթեցրել են ճակատային գիծը` թեւային հարվածներից խուսափելու եւ որոշ վերախմբավորումների համար, եւ արդեն այսօր, ենթադրելի է, որ կլսվեն նոր ախաջխաղացումների մասին:

Ճակատային այս հատվածի արեւմտյան թեւում հարջակումն ուղղված է Վոլչյա գետի հարավային Ռազլիվ եւ Կոնստանտինապոլ բնակավայրերին, որտեղով անցնում է կամուրջներից մեկը դեպի Անդրեեւկա: այս պահն եղած որոշ տվյալներով, ռուսական առաջնապահ ուժերն արդեն Ռազլիվի մատույցներում են: 

Արեւելյան թեւում, Տրուդովոյեն գրավելով, ռուսներն անմիջապես սկսում են կից Ուսպենովկայի գրոհը: Սա այս գոտում ճանապարհային հիմնական հանգույցն է, եւ այն գրավելու դեպքում ռուսները գործնականում օպերատիվ շրջապատման մեջ են վերցնում Կուրախովոյի ճակատի ողջ արեւելյան գոտին:

Իսկ ահա Մաքսիմովկայից, ըստ ամենայնի, ռուսները կգրոհեն Դաչնոյեի ընդհանուր ուղղությամբ` Կուրախովկայի ջրամբարի արեւմտյան հատված դուրս գալու եւ Վոլչյա գետի երկրորդ կամուրջը (ջրամբարի պատվարը) գրավելու համար:

Ընդհանուր առնամբ, ռուսներին մնում է անցնել 6-8 կմ, այսինքն՝ ընդամենը մեկ թռիչք, եթե անակնկալներ չլինեն։

Նույն պատկերն է նաեւ Կուրախովոյի ճակատի հյուսիսային թեւում: Գորնյակ-Կուխարովոյի գրավումից հետո ռուսական ուժերն այս պահին գրոհում են Իլինկա բնակավայրը, եւ որոշ տվյալներով, այն արդեն վերահսկողության տակ են վերցրել:

Սակայն այս գոտում առանցքային է Վոզնեսենսկա-Նովոսելիդովկա հատվածը, եւ այս պահին դրանք զգալի մասով ռուսները գրավել են: Նպատակը Ստարիե Տերնի, այսինքն` Կուրախովոյի ջրամբարի անցումը հյուսիսից փակելն է, որն արդեն, եթե հարավում հարձակումը հաջողվի, կնշանակի Կուրախովոյի ողջ գոտու ամբողջական շրջապատում: