Դանդաղ, բայց հաստատուն տեմպերով մոտենում ենք կուլմինացիային․Հանրային ռադիոյի նախկին գործադիր տնօրենը մանրամասներ է ներկայացնում

Ի՞նչ թաքնված նպատակ է հետապնդում Հանրային ռադիոյի տնօրենը Արցախը օկուպացրած Բաքվի ժամանակը ի ցույց դնելով։ Փորձել ենք հետաքրքրվել Հանրային ռադիոյի նախկին գործադիր տնօրեն Գարեգին Խումարյանից, միեւնույն ժամանակ հետաքրքրվելով՝ ճանաչե՞լ է վերջինիս մինչ տնօրեն նշանակվելը, ի՞նչ կարելի սպասել հետագայում նրանից։

-Արմեն Քոլոյանին ծանոթ չեմ: Նա վերջին երեսուն տարին արտասահմանում է ապրել: Երբեք չեմ առնչվել հետը: Արարքի նպատակի մասով, երեկ այդ մասին խոսելու առիթ ունեցել եմ: Պիտի կրկնվեմ, որ կարծում եմ մի քանի քայլանի կոմբինացիայի հետ գործ ունենք, որը հետապնդում է հետևալ նպատակները:

1. Հանրային ռադիոյի տնօրենի բազմակողմանիորեն վիճարկվող «ընտրություններում» հաղթող ճանաչված անձը շենքում տրամադրություններ է ստուգում և փորձում ընդլայնել իր (ենթադրաբար) ստանձնած հանձնառությունների շրջանակում գործելու թույլատրելի դիապազոնը. այլ կերպ ասած՝ որպես գիտափորձ կարմիր գիծ տրորել: Իսկ ռադիոյի մարդկանց համար սա իսկապես կարմիր գիծ է:

2. Սպասվող փոփոխություններին ընդառաջ զրկել ռադիոյի մարդկանց հանրային աջակցությունից: Հանրային ռադիոն տարիների իր աշխատանքի շնորհիվ արդարացիորեն վայելում է անաչառ և հավասարակշռված լրատվամիջոցի համբավ: Ողնաշարը ջարդելուց առաջ պետք է շրիշակի հավասարեցնել Ընկերության և այդտեղ աշխատող մարդկանց վերաբերյալ հասարակական ընկալումները, որ «Բաքվի ու Անկարայի ժամանակով իրենց աշխատանքը կազմակերպողների» հետևից եկող չլինի: 3. Անել այնպես, որ մարդիկ ուղղակի ամաչեն այդ շենք աշխատանքի գալ, ազատման դիմում գրեն ու նախանշվող կադրային փոփոխություններն անցնեն առանց ավելորդ աղմուկի: Եթե գործընկերներիս մեջ այդպիսի բան արած մարդ կա, խնդրում եմ, դիմումները հետ վերցրեք: Պատասխանում եմ իրավիճակի շուրջ սոցցանցերում ամենահաճախակին ինձ հանդիպած հարցին: «Էդ շենքում մի նորմալ մարդ չկա, որ էդ Բաքվի ու Անկարայի ժամացույցները հանի»: Բայց, ինչպես տեսնում եք, ոչինչ չստացվեց: Ռադիոյի կոլեկտիվը Բաքվի ժամը Ստեփանակերտի ժամով փոխարինեց: Հպարտ եմ սիրելի գործընկերներիս վարքագծով: Ռադիոն բացառիկ հաստատություն է՝ բացառիկ մարդկանցով: Այդ շենքում այդպիսի կատակներ անել չի կարելի:

- Պարոն Խումարյան, Դուք նշել էիք, որ ընտրությունների արդյունքները չեն կոտրելու Ձեզ եւ Դուք Ձեր պայքայը շարունակելու եք։ Կարո՞ղ եք ասել, ո՞ւր եք հասել այդ պայքարի ճանապարհին, մոտ է արդյո՞ք կուլմինացիան։

- Դանդաղ, բայց հաստատուն տեմպերով մոտենում ենք կուլմինացիային: Ընդ որում ռադիոյի տնօրենի այսպես կոչված մրցույթում հաղթող հայտարարված անձը ու Հանրային հեռարձակողի խորհրդի իրեն նշանակած անդամները՝ խոսքը Արա Շիրինյանի, Արամ Սուքիասյանի, Արփի Ոսկանյանի, Վահագն Թևոսյանի, Վարուժան Օլքինյանի և Վասակ Դարբինյանի մասին է, այդ կուլմինացիան կարծես մոտեցնում են: Շնորհակալ եմ խնդրով հետաքրքրվող մարդկանց համբերության համար: Մի փոքր էլ համբերություն և ամեն ինչ իր տեղը կնկնի:

Այս թեմայով Ucom-ի գլխավոր տնօրենը մասնակցել է Ներքին Աուդիտորների Ինստիտուտ-Հայաստանի միջազգային համաժողովին Կայացավ «Եվրասիական տնտեսական միության վերլուծական կենտրոնները եւ հասարակական հատվածը» խորագրով միջազգային կլոր սեղան ԱՄՆ նախկին նախագահ Դոնալդ Թրամփի որդին՝ Բարոնը, հյուրերին տարակուսանքի մեջ է գցել «ոսկե գդալի» պատմությամբ Վիճաբանություն, ծեծկռտուք՝ Արմավիրի մարզի Երասխահուն գյուղում․ կան վիրավորներ․ ըստ մասնակիցների, որոնցից մեկը նախկին քննիչ է, հնչել են կրակոցներ Թուրքիայի նախկին նախագահ Աբդուլլահ Գյուլի և կնոջ հետ միջադեպ է տեղի ունեցել օդանավակայանում