Ճոյտի փեսան 3 տարեկան երեխայի է վրաերթի ենթարկել. երեխայի կյանքը փրկել չի հաջողվել. ինչ են պատմում հարազատները.Armlur.am

Սեպտեմբերի 14-ին ողբերգական դեպք է տեղի ունեցել Արմավիրի մարզում։ Ժամը 19:30-ի սահմաններում Արմավիրի բնակիչ 32-ամյա Արման Պ-ն, նախկին պատգամավոր, երջանկահիշատակ Հակոբ Հակոբյանի (Ճոյտ) եղբոր փեսան, իր վարած «ՎԱԶ 2121» մակնիշի ավտոմեքենայով Զվարթնոց գյուղի Թ. Թորոմոնյան փողոցում վրաերթի է ենթարկել Արմավիրի մարզի բնակիչ 3-ամյա Ռաֆիկ Մ-ին։

Ականատեսները ArmLur.am-ին պատմեցին, որ երեխան անճանաչելի էր դարձել:

Ողբերգությունից հետո, ցավոք, տարբեր մեկնաբանություններ ու շահարկումներ եղան, նույնիսկ ծնողական անուշադրության որակումներ:

Իսկ ինչպես է դեպքը տեղի ունեցել իրականում:

Նախ պետք է շեշտել, որ վերը նշված ժամանակահատվածում տարածքը մշտապես բազմամարդ է լինում:

Բնակիչները հաստատում են, որ այգին բարեկարգելուց հետո երեկոյան ժամերին այնտեղ երեխաների պակաս չի զգացվում:
ArmLur.am-ը տեղեկացավ, որ բնակելի այդ հատվածում թույլատրված է մեքենաների նվազագույն արագություն, իսկ ճանապարհի լայնքով թմբեր են կառուցված:

Դժբախտացած ընտանիքի տան և այգու միջև տարածությունը մի քանի մետր է. երեխաները մշտապես տանից այգի և այգուց տուն են վազվզում’ ընտանիքի որևէ մեծահասակ անդամի ուղեկցությամբ:

Այդ օրն էլ բացառություն չէր…

Մինչ փոքրիկի հորաքույրը ակնթարթորեն նկատել է արագ սլացող մեքենային, դեպի երեխան վազելով’ կանչել է, որ կանգնի, հորաքրոջ աչքի առաջ վարորդը հարվածել է երեքամյա փոքրիկին ու մի փոքր հատված առաջ շարժվել:

Ավելին, ArmLur.am-ին հայտնի դարձավ, որ քննությամբ արգելակների հետագիծ, արգելակման որևէ նշան չի հայտնաբերվել

Այս թեմայով Հայտնի փաստաբանը նշում է ամուսնության տարելիցը Մայր Տաճարի վերաօծման արարողության համար նախատեսված Մյուռոնօրհնության կաթսան 130 տարեկան է Առանց հիմնավորվածության անձը երեք ամիս պահվել է հոգեբուժականում. ՄԻՊ «Հրապարակ». 44-օրյա պատերազմի վերաբերյալ քննիչ հանձնաժողովի զեկույցը կանցնի երեք ատյաններով Խոշոր վթար. 4 երեխա հոսպիտալացվել է