Ինչ է կատարվում զույգերի հետ ամուսնությունից հետո

Ամուսնությունից հետո շատ տղամարդիկ սկսում են վերագնահատել կնոջ դերն իրենց կյանքում: Գիտնականները պարզել են, թե ինչ փոփոխություններ են տեղի ունենում նորաթուխ ամուսնու գիտակցության մեջ:

Օքլենդի համալսարանի գիտնականները որոշել են ուսումնասիրել, թե ինչպես է փոխվում տղամարդկանց վերաբերմունքն իրենց երկրորդ կեսի նկատմամբ ամուսնանական կյանքի ընթացքում:

Հետազոտողները 14 տարի (2009-ից 2023 թվականներին) հետևել են 1615 նորզելանդացի մեծահասակների՝ պարզելու, թե ինչպես են փոխվել զույգերի հարաբերություններն ամուսնությունից հետո: Հետազոտության արդյունքները հրապարակվել են «Sex Roles» ամսագրում: Այսպիսով, ի՞նչ են նրանք պարզել:

Ամուսնությունից հետո առաջին տարում տղամարդիկ սկսել են ավելի շատ սեքսիզմ դրսևորել, ավելի ստույգ՝ թշնամական սեքսիզմ։

Մաժամանակ, կանայք նույնպես դարձել են ավելի հակված կարծրատիպերին. նրանք հավասարապես դրսևորել են թշնամական սեքսիզմ, ինչպես իրենց ամուսինները:

Ինչպես է տարիների ընթացքում փոխվել վերաբերմունքը զուգընկերոջ նկատմամբ

Ամուսնությանը նախորդող տարիներին, երբ մասնակիցները միայնակ էին (ամուսնացած չէին), նրանց սեքսիստական համոզմունքները թուլացած էին: Սակայն ամուսնությունից հետո առաջին տարում և՛ տղամարդիկ, և՛ կանայք սկսել են ավելի թշնամական սեքսիզմ դրսևորել։ Այս ժամանակից հետո երկու սեռերի նկատմամբ նախապաշարմունքները սկսել են կամաց-կամաց նվազել։

Ինչու են տղամարդիկ և կանայք դառնում թշնամական սեքսիստներ, ամուսնության հենց սկզբից

Գիտնականները գտնում են, որ թշնամական սեքսիզմի հիմքում ընկած է այն վախը, որ կանայք իշխանություն ձեռք կբերեն՝ օգտագործելով տղամարդկանց կախվածությունը ինտիմ հարաբերություններում: Ամուսնանալուց հետո տղամարդիկ, հնարավոր է, իրենց ավելի շատ նվիրված են զգում կնոջը, որոշակիորեն պարտավորված և ավելի պակաս ազատ: Սա կարող է մեծացնել նրանց կախվածության զգացողությունը և կողակցի պաճառով իշխանությունը կորցնելու վախը, ինչը խորացնում է նրանց թշնամական սեքսիզմը:

Բայց ինչո՞ւ են կանայք նույնպես նման դինամիկա դրսևորում։ Հետազոտության հեղինակները ենթադրել են, որ կանանց թշնամական սեքսիզմը կարող էր ուղղված լինել նրանց դեմ, ում նրանք ընկալում են որպես պոտենցիալ սպառնալիք: Նրանք անհանգստանում են, որ այլ կանայք կփորձեն գողանալ իրենց ամուսնուն, ուստի նրանց նկատմամբ դառնում են սեքսիստ:

Մյուս կողմից, միայնակ մարդիկ սրտով սիրում են մենակ լինել և իրենց կյանքը չեն կազմակերպում ռոմանտիկ զուգընկերոջ շուրջ։ Նրանք զերծ են ռոմանտիկ հարաբերությունների իշխանությունից։ Միայնակ սրտով տղամարդկանց չի սպառնում կանանց իշխանությունը, իսկ միայնակ կանայք չեն անհանգստանում, որ ուրիշները կգողանան իրենց չունեցած ամուսնուն: Նրանք ապրում են իրենց կյանքը լիարժեք և ուրախ, առանց իրենց նպատակներն ու կիրքերը զոհաբերելու իրենց կողակցի նպատակներին:

Այս թեմայով Երեք վիրահատությունից հետո՝ հիմա ավելի ուժեղ եմ դարձել. բելգիահայ չեմպիոն Հաջողակ ամուսնություն. 30-ից առա՞ջ, թե՞ հետո Մամիկոն Խուրշուդյանը բեմում ամուսնության առաջարկ արեց (Տեսանյութ) Միհրան Ծառուկյանը բեմում ամուսնության առաջարկ արեց Արփի Գաբրելյանին (Տեսանյութ) «Ռուսաստանը դառնում է ժամանակակից Նոյան տապան». Մարիամ Հովսեփյան