Ինչ է կատարվում ռուս-թուրքական հարաբերություներում

Ա­մեն դեպ­քում, կա­րե­լի է եւս մեկ ան­գամ ֆիք­սել. ներ­կա ի­րա­վի­ճա­կը գա­լիս է հու­շե­լու, որ այս պա­հին գե­րակ­տիվ գոր­ծըն­թաց­ներ կովկասնայն ուղ­ղութ­յամբ կան (Տե´ս մաեի https://iravunk.com/?p=291960&l=am): Իսկ թե ինչ հան­գու­ցա­լու­ծում կլի­նի, թե­րեւս ա­մե­նա­մոտ ա­պա­գա­յում կտես­նենք: Աեավել եւս, որ հետաքրքիր տեսք ունի նաեւ թուրքական ուղղությունը: «Թուր­քիան մեր օգ­նութ­յամբ ո­րոշ ժա­մա­նակ ա­ռաջ սկսեց հայ-թուր­քա­կան հա­րա­բե­րութ­յուն­նե­րի կար­գա­վոր­ման գոր­ծըն­թա­ցը։ Այժմ այն ​​կանգ է ա­ռել, բայց Թուր­քիա­յի հե­տաքրք­րութ­յու­նը մնում է,  եւ մենք պատ­րաստ ենք դրան։ Դե, պարզ է, որ կար­գա­վո­րու­մը պետք է տե­ղի ու­նե­նա բո­լոր մյուս խնդիր­նե­րի հա­մա­տեքս­տում, ո­րոնք պետք է լուծ­վեն Հա­րա­վա­յին Կով­կա­սում, ղա­րա­բաղ­յան հիմ­նախնդ­րի սկզբուն­քա­յին լուծ­ման հա­մա­տեքս­տում»,- ա­սել է Լավ­րո­վը։

­Դա­տե­լով այս հայ­տա­րա­րութ­յու­նից` թուր­քա­կան ուղ­ղութ­յամբ այն գոր­ծըն­թա­ցը, ո­րը Նի­կո­լը մինչ այս ներ­կա­յաց­նում էր, որ­պես իր նա­խա­ձեռ­նութ­յուն, ի­րա­կա­նում իր հիմ­քում ու­նե­ցել է Մոսկ­վա­յի միջ­նոր­դութ­յու­նը: Ընդ ո­րում, թուր­քա­կան կող­մը Լավ­րովի հայ­տա­րա­րութ­յու­նը չի հեր­քել եւ միան­շա­նակ կհեր­քեր, ե­թե հա­մա­միտ չլի­ներ աս­վա­ծին:

Ի­րա­կա­նում լա՞վ է, թե վատ նման միջ­նոր­դութ­յամբ հայ-թուր­քա­կան գոր­ծըն­թա­ցը Հա­յաս­տա­նի հա­մար: Կամ հար­ցը կա­րե­լի է այս­պես ձե­ւա­կեր­պել. իսկ միայ­նակ Հա­յաս­տանն ի զո­րո՞ւ է թե­կու­զեւ չնչին չա­փով պաշտ­պա­նել իր շա­հե­րը՝ թուրք-ա­զե­րիա­կան ընդ­հա­նուր ճա­կա­տի հետ թե­կու­զեւ բա­նակ­ցա­յին տես­քով լու­ծում­ներ հաս­նե­լու դեպ­քում. թե­րեւս պա­տաս­խա­նը միան­շա­նակ է: Սա­կայն այս պա­հին խոս­քը միայն այն մա­սին չէ, թե ով է նա­խա­ձեռ­նո­ղը, խնդի­րը շատ ա­վե­լի խոր­քա­յին է:

Այն, որ տե­ւա­կան ժա­մա­նակ ռուս-թուր­քա­կան հա­րա­բե­րութ­յուն­նե­րում ո­րո­շա­կի սառ­նութ­յուն կար, դա ա­պա­ցու­ցում էր թե­կու­զեւ այն, որ դեռ ան­ցած տար­վա­նից խոս­վում է Պու­տի­նի՝ Թուր­քիա այ­ցե­լե­լու մա­սին, բայց այդ այ­ցը չկա ու չկա: Թե ի­րա­կա­նում ինչ է կա­տար­վում, դա եւս շատ է մեկ­նա­բան­վել. Թուր­քիան գտնվում է ֆի­նան­սա­կան ա­ռու­մով ա­մե­րիկ­յան ան­նա­խա­դեպ ճնշում­նե­րի տակ եւ արդ­յուն­քում՝ շատ հար­ցե­րով ստիպ­ված էր սա­ռեց­նել ռու­սա­կան ուղ­ղութ­յու­նը: Բայց ա­հա վեր­ջին ժա­մա­նակ­ներս սկսե­ցին այլ ու­շագ­րավ դե­տալ­ներ նկատ­վել: Այդ թվում՝ Ան­կա­րան հա­մա­ռո­րեն փոր­ձում է ռուս­նե­րի միջ­նոր­դութ­յամբ բա­նակ­ցութ­յուն­ներ սկսել Դա­մաս­կո­սի հետ, դրա­նից զատ էլ հայ­տա­րա­րեց BRICS-ին ան­դա­մակ­ցե­լու ցան­կութ­յան մա­սին: Սա­կայն Մոսկ­վա­յի ար­ձա­գան­քը բա­վա­կա­նին կոշտ էր՝ Թուր­քիան ա­րեւմտ­յան ուղղ­վա­ծութ­յան եր­կիր է եւ չի կա­րող BRICS-ին ան­դա­մակ­ցել:

­Բայց ա­հա նա­խօ­րեին տե­ղի ու­նե­ցավ անս­պա­սե­լին՝ Bloomberg-ը տե­ղե­կաց­րեց, որ Թուր­քիա­յի իշ­խա­նութ­յուն­նե­րը BRICS-ին միա­նա­լու հայտ են ներ­կա­յաց­րել, եւ այդ հար­ցը եւս կա­րող է քննարկ­վել հոկ­տեմ­բե­րի 22-24-ը Կա­զա­նում կա­յա­նա­լիք BRICS-ի գա­գա­թա­ժո­ղո­վում: Ե­թե ա­ռանց Մոսկ­վա­յի հետ ո­րո­շա­կի պայ­մա­նա­վոր­վա­ծութ­յուն­նե­րի Ան­կա­րան նման քայ­լի գնար, դա կլի­ներ Էր­դո­ղա­նի կող­մից անլր­ջութ­յուն: Մինչ­դեռ ինչ-ինչ, բայց Թուր­քիա­յի նա­խա­գա­հին չես մե­ղադ­րի քա­ղա­քա­կան ան­լուրջ լի­նե­լու մեջ: Այ­սինքն, այս եր­կու ա­միս­նե­րին ռուս-թուր­քա­կան հա­րա­բե­րութ­յուն­նե­րում պետք է գո­նե ստվե­րա­յին մա­կար­դա­կում ինչ-որ բան փոխ­վեր, որ Էր­դո­ղա­նը գնար նման քայ­լի:

Ընդ ո­րում, այս­տեղ պետք է հաշ­վի առ­նել նաեւ մեկ էա­կան գոր­ծոն: Ե­թե ԱՄՆ-ն կա­րո­ղա­նում է ֆի­նան­սա­կան հար­թա­կում նման մասշ­տա­բա­յին ճնշում­ներ գոր­ծար­կել Ան­կա­րա­յի վրա, ա­պա նշա­նա­կում է, որ այդ ճնշու­մա­յին մե­խա­նիզ­մից ձեր­բա­զատ­վե­լը թուր­քե­րի հա­մար կեն­սա­կան հարց է: Իսկ ա­հա BRICS-ը հայ­տա­րա­րել է այ­լընտ­րան­քա­յին գլո­բալ ֆի­նան­սա­կան փո­խան­ցում­նե­րի հա­մա­կար­գի պատ­րաստ լի­նե­լու մա­սին, ա­վե­լին, որ լուրջ տե­ղա­շար­ժեր կան նաեւ միաս­նա­կան ար­ժույ­թի ստեղծ­ման հար­ցում: Ս­րանք հենց այն այ­լընտ­րանքն են, ո­րոնք, կրկնենք, Ան­կա­րա­յի հա­մար այս պա­հին կենսա­կան են: Եվ այս ի­րա­վի­ճա­կում դե­պի BRICS շարժ­վե­լու թուր­քա­կան ձգտու­մը միան­գա­մայն ռեալ տրա­մա­բա­նութ­յուն է ստա­նում: Միայն թե ա­ռանց Մոսկ­վա­յի այդ հար­ցը չի կա­րող լուծ­վել, եւ դա տրա­մա­բա­նութ­յուն է տա­լիս նաեւ ռուս-թուր­քա­կան թե­կու­զեւ դեռ չե­րե­ւա­ցող պայ­մա­նա­վոր­վա­ծութ­յուն­նե­րի հա­վա­նա­կա­նութ­յա­նը:

­Վե­րա­դառ­նա­լով Լավ­րո­վին, նկա­տենք, որ երբ այս ընդ­հան­րա­կան ֆո­նին նա խո­սում է նաեւ հայ-թուր­քա­կան թե­մա­յից, ա­պա դա եւս, ճիշտ է՝ դեռ բա­վա­կա­նին թույլ, բայց հստակ ակ­նարկ է, որ այդ թե­ման եւս Մոսկ­վան եւ Ան­կա­րան պար­զա­պես չեն կա­րող շրջան­ցել: Ինչ են­թա­տեքս­տով, ինչ պայ­ման­նե­րով եւ ուղղ­վա­ծութ­յամբ, դրանք ար­դեն շատ կա­րե­ւոր հար­ցեր են, ո­րոն­ցից պետք է գլուխ հա­նել: Մեկ բան սա­կայն տե­սա­նե­լի է. խոս­քը ինչ-որ գլո­բալ տա­րա­ծաշր­ջա­նա­յին պայ­մա­նա­վոր­վա­ծութ­յուն­նե­րի մա­սին է, ո­րոնք են­թադ­րում են տա­րա­ծաշր­ջա­նա­յին ընդ­հա­նուր լու­ծում­ներ, այդ թվում՝ Ի­րա­նի շա­հե­րի պաշտ­պան­մամբ: Մ­նա­ցա­ծը ա­պա­գան ցույց կտա:

Այս թեմայով «Միսս տիեզերք Արմենիա» մրցույթում ՀՀ-ն ներկայացնելու է ռուս աղջիկ. ով է նոր տնօրենը, և ում են դիմել հայ գեղեցկուհիները. Լուսանկարներ Հերթական կոտորած կուրսկում. ռուս դեսանտայինները ոչնչացրել եւ Գլուշկովո թափանցող հերթական ստորաբաժանումը (ՏԵՍԱՆՅՈՒԹ) Հայաստան է ժամանել Ռուս ուղղափառ եկեղեցու պատվիրակությունը. հյուրերը կմասնակցեն Մայր տաճարի վերաօծման արարողությանը Կառավարությունը ներեց Ռուս-հայկական համալսարանի նկատմամբ հաշվարկված տուգանքը «Թուրքական տունը», որտեղ Էրդողանն ու Փաշինյանը հանդիպում են ունեցել, ներքաշված է կոռուպցիոն սկանդալի մեջ. Zartonk Media