Արեւմուտքում սրվեղ անորոշություններ, իսկ ռուսներն Ուկրաինայում հարձակվում են

Ի­հար­կե, Նի­կո­լի հայ­տա­րա­րութ­յուն­նե­րը (Տե´ս նաեւ https://iravunk.com/?p=291866&l=am), ո­րոնք նա հնչեց­րեց օ­րերս տված ա­սու­լի­սում, սպա­սե­լի էին: Մի կող­մից, այս փու­լում ա­մե­րիկ­յան դես­պա­նը ե­րե­ւի ինքն էլ լավ չի հաս­կա­նում, թե ինչ­պես պետք է կա­ռա­վա­րել Հա­յաս­տա­նը: ԱՄՆ-ում խա­ռը ժա­մա­նակ­ներ են, չգի­տես, թե եր­կու ամ­սից ով կլի­նի նա­խա­գա­հը, ինչ կուրս կվա­րի, որ կա­րո­ղա­նաս այդ ա­նո­րո­շութ­յուն­նե­րի պայ­ման­նե­րում ա­պա­գա իշ­խա­նութ­յուն­նե­րի քիմ­քին հա­մա­պա­տաս­խան կա­ռա­վա­րես Հա­յաս­տա­նը:

Մ­յուս կող­մից, ինչ­պես քա­նիցս ենք նշել, ի­րա­դար­ձութ­յուն­նե­րը, ո­րոնք զար­գա­նում են Ուկ­րաի­նա­յում, Նի­կո­լի, աս­ենք նաեւ Ա­լիե­ւի հա­մար կա­րե­ւո­րա­գույն ցու­ցիչ­ներ են, թե ինչ քա­ղա­քա­կան կուրս կա­րող են վա­րել Մոսկ­վա­յի ուղ­ղութ­յամբ: Ա­լիե­ւը, նման է, որ վերջ­նա­կա­նա­պես կողմ­նո­րոշ­վել է: Ար­դեն պաշ­տո­նա­պես խո­սում է ԲՐԻՔՍ-ին ան­դա­մակ­ցե­լու ծրագ­րե­րից, պատ­րաս­տա­կա­մութ­յուն է հայտ­նում ցան­կա­ցած պա­հի գնալ Մոսկ­վա՝ «խա­ղա­ղութ­յան պայ­մա­նա­գիր» ստո­րագ­րե­լու, եւ այդ­պես շա­րու­նակ: Գու­մա­րած, նա­խօ­րեին այն­պի­սի ընդգծ­ված բռնա­պե­տա­կան ընտ­րութ­յուն­ներ անց­կաց­րեց, որ եվ­րո­պա­կան «դե­մոկ­րատ­նե­րը» ողջ «շան լա­փը թա­փե­ցին» Հեյ­դա­րո­վի­չի գլխին: Բայց մեկ բան դա ֆիք­սեց. Ա­լիեւն այն աս­տի­ճան «թքած ու­նի» ա­մեն մի ա­րեւմտ­յան կար­ծի­քի վրա, որ ա­ռանձ­նա­պես ի­րեն նե­ղութ­յուն չտվեց՝ մի փոքր մտա­հոգ­վել այդ գնա­հա­տում­նե­րի հետ կապ­ված: Իսկ դրա հա­մար Եվ­րո­պա­յին գազ խոս­տա­նա­լը, այն էլ՝ հիմ­նա­կա­նում ռու­սա­կան գազ, շատ քիչ է: Ն­ման հանդգ­նութ­յան հա­մար Ա­լիե­ւը պետք է որ շատ ա­վե­լի լուրջ հիմ­քեր ու­նե­նա, այդ թվում, որ ա­րեւմտ­յան աշ­խար­հա­քա­ղա­քա­կան վեկ­տորն ա­մե­նե­ւին էլ խնդիր չի հա­մա­րում, քա­նի որ նա­խա­պատ­վութ­յու­նը տա­լիս է ռու­սա­կան վեկ­տո­րին:

Ինչ վե­րա­բե­րվում է Նի­կո­լին, ա­պա նրա մոտ եւս ներ­կա փու­լում պետք է որ ա­րեւմտ­յան վեկ­տո­րի հան­դեպ սա­ռը փուլ լի­նի: ԱՄՆ-ում, կրկնենք, հի­շա­տակ­ված նա­խընտ­րա­կան վի­ճակն է: Եվ­րո­պա­կան հիմ­նա­կան տա­նի­քը՝ Մակ­րո­նը ծանր վի­ճա­կում է: Ի թիվս բա­զում այլ խնդիր­նե­րի, նրա նկատ­մամբ մե­ծա­մաս­նութ­յուն ստա­ցած քա­ղա­քա­կան ուժն անվս­տա­հութ­յան՝ իմպիչ­մեն­տի գոր­ծըն­թաց է սկսում, եւ ընդ­դի­մութ­յու­նը, ըստ ա­մե­նայ­նի, այդ հար­ցով կգնա հա­մա­գոր­ծակ­ցութ­յան: Կարճ ա­սած, Մակ­րո­նի վրա այ­լեւս հույս դնել Նի­կո­լը չի կա­րող: Ան­գամ Շոլ­ցը, որ եր­բեմն խառն­վում էր հայ-ադր­բե­ջա­նա­կան գոր­ծըն­թա­ցին, իր հեր­թին է ծանր կրի­զի­սի մեջ: Հե­րիք չէ, որ տե­ղի ու­նե­ցած մաս­նա­կի ՏԻՄ ընտ­րութ­յուն­նե­րում լրջա­գույն հա­ջո­ղութ­յուն­ներ ար­ձա­նագ­րե­ցին «Այ­լընտ­րանք Գեր­մա­նիա­յի հա­մար» եւ «Սա­ռա Վա­գենկ­նեխտ Միութ­յուն» ու­ժե­րը: Իսկ թե դրանք որ դաշ­տում են, հու­շեց միայն փաս­տը, որ «Այ­լընտ­րանք Գեր­մա­նիա­յի հա­մար» կու­սակ­ցութ­յան ա­ռաջ­նորդ Բ­յորն Հո­կեն ընտ­րա­տե­ղա­մաս էր ժա­մա­նել ռու­սա­կան «Նի­վայով» ՝ մի կողմ թող­նե­լով իր հայ­րե­նա­կան «Մեր­սե­դեսն» ու մյուս բրենդ­նե­րը: Այն դեպ­քում, երբ Շոլ­ցի ղե­կա­վա­րած կու­սակ­ցութ­յու­նը 6-7 տո­կո­սից այն կողմ չկա­րո­ղա­ցավ անց­նել: Եր­կար ժա­մա­նակ ձայն ու ծպտուն չկա նաեւ Շառլ Մի­շե­լից: Մի «հա­սա­րակ» Տոյ­վո Կ­լաարն ի՞նչ է, դա էլ չկա. հե­ռա­նում է Հա­րա­վա­յին Կով­կա­սում եւ Վ­րաս­տա­նի ճգնա­ժա­մի հար­ցե­րով ԵՄ հա­տուկ ներ­կա­յա­ցուց­չի պաշ­տո­նից: Այ­սինքն, մի այն­պի­սի ի­րա­վի­ճակ է, որ Եվ­րո­պա­յի հա­մար Հա­յաս­տանն էլ, ա­ռա­վել եւս՝ Նի­կոլն էլ չոր­րորդ պլա­նից ա­ռաջ չեն կա­րող գալ:

Ինչ վե­րա­բե­րում է ուկ­րաի­նա­կան ուղ­ղութ­յա­նը, ա­պա, ինչ­պես հենց ա­ռա­ջին օրն էինք են­թադ­րել, մտնե­լով Կուրսկ, ուկ­րաի­նա­կան բա­նա­կը մխրճվեց ճա­հի­ճը, ու հի­մա ան­գամ հետ քաշ­վել չի կա­րող: Մինչ­դեռ ճա­կա­տա­յին այլ հատ­ված­նե­րում, ա­մե­նա­սու­րը՝ Պոկ­րովս­կի ուղ­ղութ­յամբ մի այն­պի­սի վի­ճակ է, որ ե­թե չկա­րո­ղա­նան կանգ­նեց­նել, հե­տե­ւան­քը դառ­նա­լու է ողջ պա­տե­րազ­մը տա­նուլ տա­լը: Ու քա­նի որ բո­լոր պա­շար­նե­րը խլում է Կու­րս­կի ճա­հի­ճը, ուկ­րաի­նա­կան հրա­մա­նա­տա­րութ­յու­նը փոր­ձում է Պոկ­րովս­կի ուղ­ղութ­յամբ վի­ճա­կը կա­յու­նաց­նել` այլ հատ­ված­նե­րից ու­ժեր նե­տե­լով: Մաս­նա­վո­րա­պես, օ­րերս Պոկ­րովս­կի ընդ­հա­նուր ճա­կա­տի ա­մե­նա­թեժ հատ­վա­ծի վե­րած­ված Սե­լի­դո­վո քա­ղա­քի ուղ­ղութ­յամբ ու­ժեր նե­տե­ցին մեկ այլ ա­ռանց­քա­յին ուղ­ղութ­յու­նից՝ հա­րա­վա­յին Դո­նեց­կի ճա­կա­տից՝ Ուգ­լե­դա­րից: Ու ան­մի­ջա­պես էլ հե­տե­ւեց ռուս­նե­րի հար­ձա­կումն այս ոչ պա­կաս էա­կան ուղ­ղութ­յամբ, ո­րը կա­րող է տա­նել ուկ­րաի­նա­կան պաշտ­պա­նութ­յան հեր­թա­կան ծա­վա­լուն փլուզ­մա­նը: Ընդ ո­րում, ռու­սա­կան նման հար­ձա­կում­ներ այս պա­հին բո­լոր ճա­կատ­նե­րում են՝ Տո­րեցկ, Չա­սով Յար, Սե­ւերսկ, Կուպ­յանսկ եւ այլն, եւ ցան­կա­ցած ուկ­րաի­նա­կան ստո­րա­բա­ժան­ման տե­ղա­փո­խում կոնկ­րետ հատ­վա­ծից՝ այլ հատ­վա­ծի օգ­նե­լու հա­մար նույն կար­գի խնդիր­ներ է ա­ռաջ բե­րե­լու:

Արդ­յուն­քում, Նի­կո­լի հա­մար պատ­կե­րը սա է. ԱՄՆ-ի եւ Եվ­րո­պա­յի հետ կապ­ված միայն ա­նո­րո­շութ­յուն­ներ են` ա­ռաց ո­րե­ւէ ռեալ հե­ռան­կա­րի: Ուկ­րաի­նա­կան ուղ­ղութ­յամբ ա­մեն բան վկա­յում է, որ Ռու­սաս­տա­նի աշ­խար­հա­քա­ղա­քա­կան դիր­քե­րը գնա­լու են ամ­րապնդ­ման ուղ­ղութ­յամբ, ո­րը չի կա­րող շրջան­ցել նաեւ հա­րավ­կով­կաս­յան ուղ­ղութ­յու­նը: Ընդ ո­րում, ա­ռա­ջի­կա ա­միս­նե­րին այս դի­նա­մի­կան միայն կա­րող է էլ ա­վե­լի ցցուն դառ­նալ: Իսկ մնա­ցածն ար­դեն, թե այս ի­րա­վի­ճա­կում ինչ կա­նի, Նի­կո­լի ո­րո­շե­լիքն է:

ՔԵՐՈԲ ՍԱՐԳՍՅԱՆ

Այս թեմայով Ինչ են մտածում Արեւմուտքում՝ Իսրայելին հասցված Իրանի հարվածների մասին Ռուսներն ամբողջությամբ գրավել են Ուգլեդարը Ռուսներն այրել են Կուրսկի Գլուշկովոյում ճեղքելու համար ուղարկված գերմանական «Leopard»-ները (ՏԵՍԱՆՅՈՒԹ) Ռուսներն ամենահզոր` 3 տոննայանոց սավառնող ավիառումբով ոչնչացրել են շինությունը, որտեղ ուկրաինական ԳՌՈւ-ի հատուկ նշանակության ջոկատներն էին (Տեսանյութ) ՏԵՍԱՆՅՈՒԹ. Պետք է պատրաստվենք պատերազմի. Լուկաշենկո