Մեդալի հակառակ կողմը. Նազիկ Ավդալյանը փակագծեր է բացում

Շուտով կինոսերների դատին կհանձնվի կին ծանրորդ, կանանց ծանրամարտի աշխարհի եւ Եվրոպայի կրկնակի չեմպիոն ՆԱԶԻԿ ԱՎԴԱԼՅԱՆԻ կյանքի եւ անհավանական սպորտային կարիերայի մասին պատմող «Մեդալի հակառակ կողմը» ֆիլմը:

Ֆիլմի ռեժիսորն է Աննա Հարությունյանը՝ Աննա Մաքսիմը, ով նաեւ ստանձնել է գլխավոր հերոսուհու կերպարը՝ մարմնավորելով Նազիկ Ավդալյանին: Ֆիլմի ընդհանուր բյուջեն կազմում է 90 մլն դրամ, որից 40 մլն դրամը տրամադրել է Ազգային կինոկենտրոնը, իսկ բյուջեի մնացած մասը լրացվել է անհատ ձեռներեցների միջոցով։

«Իրավունք»-ին տված բացառիկ հարցազրույցի ընթացքում Նազիկ Ավդալյանը բացեց փակագծեր եւ ասաց, որ ֆիլմի պրեմիերան կլինի սեպտեմբերի 12-ին, այնուհետեւ կցուցադրվի բոլոր կինոթատրոններում:

«Հույս ունեմ, որ ֆիլմը կծառայի իր նպատակին: Համաձայնել եմ իմ մասին ֆիլմ նկարելու առաջարկին այն պատճառով, որովհետեւ իսկապես ասելիք ունի: Ու շատ եմ ցանկանում, որ ֆիլմը դիտելուց հետո՝ հանդիսատեսից յուրաքանչյուրն իր համար ինչ-որ օգտակար բան գտնի: Մտահղացումը Աննա Հարությունյանինն էր, եւ նրանից ստացա առաջարկություն ֆիլմ նկարելու: Առաջին իսկ խոսակցությունից մեծ հույս առաջացավ մեջս, որ ֆիլմը կայանալու է եւ ծառայելու է իր նպատակին, քանի որ Աննայից զգացի այնպիսի էներգիա, որն ինձ հավատ ներշնչեց», - անկեղծացավ կրկնակի չեմպիոնը:

ՆԱՆԱ ՍԱՐԳՍՅԱՆ

Այս թեմայով Մտածում եմ ստեղծել կանանց խումբ, օգնել նրանց կյանքը բարելավվելու, ավելի ուժեղանալու. Անահիտ Սիմոնյան Եվրոպայի հայերը առաջարկում են ձեւավորել երրորդ ուժ Աշխարհի ամենաթանկ ֆուտբոլիստը Աղջիկնե'ր, եթե որոշել եք ծառայել, մի' հապաղեք, սա այդքան էլ դժվար չէ. կանանց գումարտակի նորեկները (տեսանյութ) Սուրբ Էջմիածին՝ Մայր Տաճար. Աննա Հակոբյանը լուսանկարներ է հրապարակել