ՇՏԱՊ. Հանկարծամահ է եղել «Հոկտեմբերի 27»-ի գործով դատապարտյալը. Մանրամասներ

Նուբարաշեն» ՔԿՀ-ում մահացել է «Հոկտեմբերի 27»-ի գործով ցմահ ազատազրկման դատապարտված 65-ամյա Աշոտ Կնյազյանը։ Տեղեկությունը Factor․am-ի հետ զրույցում հաստատեցին ՀՀ ԱՆ քրեակատարողական ծառայությունից. «Օգոստոսի 26-ին՝ ժամը 19։05-ի սահմաններում, կանչվել է շտապօգնություն։ Ժամը 19։35-ի սահմաններում շտապօգնության անձնակազմի կողմից արձանագրվել է Ա․Կ․-ի կենսաբանական մահը»,- մանրամասնեց ՔԿԾ հանրային կապերի բաժնի ղեկավար Նոնա Նավիկյանը՝ առանց մասնավորեցնելու դատապարտյալի անունը։ «Քրեակատարողական բժշկության կենտրոն» ՊՈԱԿ-ից Factor.am-ին ևս շատ մանրամասներ չհայտնվեցին, միայն նշեցին՝ Կնյազյանի մոտ երեկ գրանցվել է հանկարծամահություն, մնացած հանգամանքները կպարզվեն դատաբժշկական փորձաքննությունից հետո։ Դեպքի մասով նախաձեռնվել է քրեական վարույթ Քրեական օրենսգրքի 155-րդ հոդվածի 1-ին մասով՝ սպանություն. «Կատարվել է դեպքի վայրի զննություն, հարցաքննվել են անձինք, նշանակվել է դատաբժշկական փորձաքննություն։ Նախնական վարկածով՝ դատապարտյալը հանկարծամահ է եղել, ավելի հստակ ցույց կտա փորձաքննությունը»,- մեզ հետ զրույցում ասաց Քննչական կոմիտեի մամուլի քարտուղար Գոռ Աբրահամյանը։ Հիշեցնենք՝ 1999 թվականի հոկտեմբերի 27-ի Ազգային ժողովում ահաբեկչական խմբի գործողությունների հետևանքով զոհվեցին ՀՀ ԱԺ նախագահ Կարեն Դեմիրճյանը, վարչապետ Վազգեն Սարգսյանը և 6 այլ պետական գործիչներ ու ԱԺ պատգամավորներ։ Ահաբեկչական գործողությունը ղեկավարած Նաիրի Հունանյանը, նրա եղբայր Կարեն Հունանյանը, նրա մորեղբայրը՝ Վռամ Գալստյանը, Դերենիկ Բեջանյանը, Էդիկ Գրիգորյանը և Աշոտ Կնյազյանը դատապարտվեցին ցմահ ազատազրկման: Համլետ Ստեփանյանը դատապարտվել էր 14 տարվա ազատազրկման: Նրանք մեղավոր էին ճանաչվել ՔՕ-ի 300 (Պետական իշխանությունը յուրացնելը), 305 (Պետական, քաղաքական կամ հասարակական գործչի սպանությունը), 34-305 (Իշխանությունը յուրացնելու փորձ), 217 (Ահաբեկչություն), 133 (Ազատությունից ապօրինի զրկելը), 235 (Ապօրինի զենք ձեռք բերելը, իրացնելը, կրելը) հոդվածներով։

Այս թեմայով Հայաստանի հավաքականի հերթական մարզումը (տեսանյութ) Ռուսաստանի հետ հարաբերությունների խաղաղ կարգավորումը մեր առաջնահերթությունն է․ Վրաստանի վարչապետ Էրդողանի գրասենյակը մանրամասներ է հայտնել Թուրքիայի և ՌԴ նախագահների հեռախոսազրույցից Մինչ Նիկոլն ու իր հանցակիցները միաձայն համոզում են մեզ, թե Արցախը, իբր, հայկական հող չէ, թե բա ձեռք քաշեք «ուրիշի հողից», ադրբեջանցին ասում է. «նոր տարածքներ». Կարեն Վրթանեսյան Զինծառայող Վահե Հարությունյանի մահվան դեպքի առթիվ քրեական վարույթ է նախաձեռնվել