ՀԵՐՈՍ ՊԱՊ ԱՅՎԱԶՅԱՆԸ ԿԴԱՌՆԱՐ 23 - ՏԱՐԵԿԱՆ

Օգոստոսի 20-ը, 2020 թվականի Արցախյան 44-օրյա ահաբեկչական պատերազմի անմահ հերոս, մինչ օրս անհետ կորած համարվող, ծնունդով Շիրակի մարզի Լեռնակերտ գյուղից ՊԱՊ ԳԱՐԻԿԻ ԱՅՎԱԶՅԱՆԻ ծննդյան օրն էր, կդառնար 23-տարեկան։ Ծնվել է 2001 թվականին, Լեռնակերտ գյուղում։ Ընտանիքի միակ զավակն էր։ Սովորել է գյուղի միջնակարգ դպրոցը։ 2016֊ին ընդունվել Գյումրիի «Իմպրոռիթմ» արվեստի ակադեմիայի ժողովրդական երգի բաժինը։

Անմահ հերոսի հայրը ԳԱՐԻԿ ԱՅՎԱԶՅԱՆԸ, Iravunk. com - ի Շիրակի մարզի թղթակցի հետ զրույցում, խորը ցավը սրտում նշեց. - «Որդիս որոշել էր բանակից հետո ուսումը շարունակել Երևանում, Կոմիտասի անվան կոնսերվատորիայում։ 2019֊ի դեկտեմբերի 19֊ի է զորակոչվել Հայոց բանակ։ Սկզբից ծառայել է Էջմիածնի զորամասում, ապա վեց ամիս անց տեղափոխվել է Արցախի Հանրապետության Ջրական բնակավայր։ Մեկ ու կես ամիս ծառայելով Ջրականում, կամավիրագրվել է որպես հատուկջոկատային ու տեղափոխվել Դրմբոն, որտեղ 25 ֊օր  է ծառայել։ Երբ սկսվել է պատերազմը, առաջին իսկ օրը վիրավորում է ստացել գլխից, մարտի դաշտում մնալով անօգնական։ Մինչ օրս անհայտ կորած է համարվում որդիս, երազում եմ, որ որդիս գոնե գերեզման ունենա, որ կարողանամ այցելել ու ծաղիկներ խոնարհել, խնկարկել նրա շիրիմի առաջ։ Ուր է իմ որդին հարգելի պետություն, մինչև ե՞րբ պիտի այսպես սպասեմ մի բուռ ոսկորի, մասունքի որդուցս։ Միակ փափագս դարձել է, որ որդիս գերեզման ունենա, որ այցելեմ ու ծաղիկներ տանեմ։ Հպարտ եմ քո տեսակով և քո առած դաստիարակությունով, բայց թևերս կտրած անտուն ու անբուն հավքի եմ նման, ծնողի ներկայությամբ ինձ անտեր եմ զգում, իմ թագավոր բալա, գալուդ սպասումով երկինք հառնեմ ու հավերժ հավերժական քեզ գրկեմ ու կարոտս առնեմ։ Այն տարիները, որոնք լի էին հույսերով, անցան ու մեզ ցավոք մնացին ուրախ ու տխուր հուշերը։ Գիտես, բառերն էլ են վերջացել, որ նկարագրեմ այն կարոտն ու տխրությունը, որ մեզ թողեցիր։ Եվ դեռ քանի 23 տարի կանցնի, որտեղ դու չես չլինելու»։ Նշենք, որ երկու տարի առաջ Այվազյանների ընտանիքում մի նոր լույս բացվեց, ծնվեց կրտսեր Պապ Այվազյանը, նա մեծանալով կիմանա, թե ինչպիսի հերոս եղբայր է ունեցել ու պատվով կկրի նրա անունը։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ, ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ... ՀԱՎԵՐԺ ՓԱՌՔ ՄԵՐ ԲՈԼՈՐ ԱՆՄԱՀ ՀԵՐՈՍՆԵՐԻՆ։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ԱՅՍՕՐ ԱՆՄԱՀ ՀԵՐՈՍՆԵՐ ՀՐԱՉ ՄԱՀՏԵՍՅԱՆԻ ՈՒ ԳԵՎՈՐԳ ՀՈՒՆՈՅԱՆԻ ՀԻՇԱՏԱԿԻ ՕՐՆ Է «ՓՐԿԵԼ ՈՒ ՇՐՋԱՓԱԿՈՒՄԻՑ ԴՈՒՐՍ Է ՀԱՆԵԼ ՀԱՐՅՈՒՐԱՎՈՐ ԶԻՆՎՈՐՆԵՐԻ ՈՒ ՍՊԱՆԵՐԻ». ԱՆՄԱՀ ՀԵՐՈՍ ՀՈՎՀԱՆՆԵՍ ԽԱՉԻՅԱՆ Որքան էլ հզոր էր երեկ Իսրայելին Իրանի հասցրած հրթիռային հարվածը, այն կրում էր ցուցադրական բնույթ. Արմեն Այվազյան Գեթ մեկ պետական պաշտոնյա չհիշեց Երեւանի հերոսամարտի 300-ամյա տարելիցը Ռուսաստանը վերականգնում է ԱՄՆ եւ դաշնակիցների կողմից խաթարված աշխարհակարգը. Այվազյան