Պոկրովսկի ուղղություն. ուկրաինական բանակը քաոսի ու խուճապի մեջ է

Այն, որ Կուրսկի ուղղությամբ հարձակումը ուկրաինական բանակին լրջագույն խնդիրներ էր խոստանում, ի սկզբանե էր ենթադրելի: Այս պահին արդեն իսկ այդ խնդիրներն ակնհայտ են: Մի կողմից, Տորեցկի ուղղությամբ ուկրաինական պաշտպանությունը գրեթե փլուզված է: Եվ միաժամանակ, այն ինչ կատավրում է Դոնեցկի հատվածում` Պոկրովսկի ուղղությամբ, արդեն անգամ ճակատի փլուզում չէ, այստեղ ուկրաինական ուժերը հայտնվել են իսկական քաոսի ու խուճապի մեջ: Ամեն դեպքում, ուկրաինական կիսառազմական ալիքները, դատելով իրենց գրառումներից, այլեւս անգամ հույս չունեն, որ իրավիճակը կկայունանա։

Արդեն տեղեկացնելու առիթներ ունեցել ենք, որ այս պահին առանցքային է դարձել Սելիդովոյի ուղղությունը: Ռուսական ուժերն արագ ընթացքով մոտենում են այն բնակավայրին, ու արդեն դուրս են եկել Մ-30 մայրուղի` կտրելով Կառլովկայի ուկրաինական խմբավորման մատակարարումների ուղին: Եվ այն, որ ուկրաինական ուժերն արագորեն լքում են այդ ողջ գոտին` բավականին հզոր պաշտպանական համակարգերով հանդերձ, հուշում է, որ տեսնում են մեծ շրջապատման լուրջ ռիսկ: Իսկ Կառլովկայի կորուստը, որն ուկրաինական բանակը տեւական ժամանակ համառորեն պաշտպանում էր, թերեւս, օրերի խնդիր է:

Ռուսական ուժերն այս պահին Սելիդովոյի մատույցներում են, եթե արդեն չեն սկսել բնակավայրի գրոհը: Այդ բնակավայրի գրավման դեպքում գործնականում անպաշտպան է մնում նաեւ Կուրախովոն, եւ դժվար չէ ենթադրել, որ ռուսական ուժերն արագորեն կզարգացնեն հարձակումն տվյալ ուղղությամբ (հնարավոր հարձակման քարտեզը ստորեւ):

Իսկ ահա Սելիդովոյից մի փոքր ավելի հյուսիս ռուսական ուժերն արդեն գրոհում են Նովգորոդովկա եւ Կրուտոյ Յար առանցքային բնակավայրերը, որոնք վերահսկողության տակ առնելու դեպքում բացվում է Միրնոգրադ-Պոկրովսկ ուղղությունը:

Այսպիսով, չափազանց մեծ է հավանականությունը, որ Պոկրովսկ-Կուրախովո ողջ գիծը կանցնի ռուսների վերահսկողության տակ, որը Դոնեցկի արեւմտյան ուղղությամբ գործող ուկրաինական ուժերի համար կնշանակի մեծ կաթսա, եթե չշտապեն հեռանալ: Բացի այդ, Պոկրովսկ-Կուրախովո գիծը վորահսկելու դեպքում ռուսները հայտնվում են հարավդոնեցկյան ճակատի ուկրաինական պօաշտպանության խորը թիկունքում: Վերջապես, անպաշտպան է մնում նաեւ արեւմտյան ուղղությունը, եթե ուկրաինական բանակը չկարողանա ինչ-որ կերպ ռեզերվների խնդիր լուծել եւ դեպի Դնեպրոպետրովսկ-Զապորոժե տանող ուղղությամբ պաշտպանական ամուր համակարգ ստեղծել:

Իսկ ահա Կուրսկում ուկրաինական հարձակումն արդեն իսկ սկսել է խեղդվել, քանի որ ռեզերվների բացակայությունն ու հսկայական կորուստները հենց այդ տրամաբանությանն են տանում:

Այս թեմայով Ռուսները Պոկրովսկի հատվածում գրավել են Կրասնի Յարը, գրեթե մաքրել են Նիկոլաեւկան (Քարտեզ) Դոնեցկի ճակատի ողջ կենտրոնը Պոկրովսկի ուղղությամբ «դոմինոյի էֆեկտի» պատճառով փլուզման վտանգի տակ է. Bild Ռուսական ուժերը գրավեցին Նովգորոդովկան եւ սկսում են Միռնոգրադի ու Պոկրովսկի գրոհը (Քարտեզ) Ուկրաինայի զինված ուժերը չեն կարողանա երկար պահել Պոկրովսկի շրջակայքը. ուկրաինական աղբյուր Ռուսական ուժերը Պոկրովսկի ուղղությամբ գրոհով դուրս են եկել ռազմավարական մեծ նշանակության Նովոգրոդովկայի կենտրոնական հատված