Դավիթ Տոնոյանն ազատ կարձակվի գրավի դիմաց

ՀՀ պաշտպանության նախկին նախարար Դավիթ Տոնոյանն ազատ կարձակվի կալանքից։ Այս մասին 24News-ի հետ զրույցում հայտնեց նրա պաշտպան Ալբերտ Բենգլյանը:

«Դատարանը նախկին նախարարի խափանման միջոցը փոխել է 15 մլն դրամ գրավի դիմաց»,- մանրամասնեց փաստաբանը:

Այս պահին Տոնոյանը դեռևս գտնվում է Հակակոռուպցիոն դատարանում, դեռ չի տեղափոխվել քրեակատարողական հիմնարկ, նա ազատ կարձակվի, երբ գրավը կվճարվի:

Դեռևս հայտնի չէ, այսօր, թե վաղը ազատության մեջ կգտնվի Դավիթ Տոնոյանը:

Հիշեցնենք` 2021 թվականի սեպտեմբերի 30-ին ԱԱԾ-ն հայտնեց, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։ Նույն օրը Տոնոյանն ու Գալստյանը կալանավորվեցին։

Այս գործով մեղադրանք է առաջադրվել նաև ԳՇ նախկին պետ Արտակ Դավթյանին, ԳՇ պետի նախկին տեղակալ Ստեփան Գալստյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:

Այս թեմայով Դավիթ Անհաղթ փողոցում վերեւ բարձրացող հատվածում խցանում է Այս դեպքում՝ էլ ինչի՞ են ուզում Փաշինյանին փոխեն. ԶԱՐՄԱՆՔ Կզղջաս. Անիտա Ավետիսյանը նոր տեսահոլովակ ունի Ես դեռևս ցանկություն չունեմ քաղաքականությամբ զբաղվելու․ Դավիթ Տոնոյան Շնորհակալ եմ հնչած բազում ցավակցական խոսքերի համար. Գեւորգ Գեւորգյան