ՇՏԱՊ.Ծեծկռտnւք, կրшկոցներ՝ Երևանի կենտրոնում

Օգստոսի 8-ին, հերթական կրակոցներն են հնչել Երևանում։ Ժամը 04։00-ի սահմաններում ՀՀ ՆԳՆ ոստիկանության քրեական ոստիկանությունում տեղեկություններ են ստացվել, որ Բուզանդի փողոցի 15 հասցեում գործող «Ռամադա» հյուրանոցային համալիրի մոտ վիճաբանություն, ծեծկռտուք է տեղի ունեցել, որի ժամանակ հնչել են կրակոցներ և վիճաբանության մասնակիցները եղել են մի քանի թանկարժեք ավտոմեքենաներով։

Ինչպես հայտնում է Գ․ Շամշյանը, պարզվել է, որ նշված ծեծկռտուքը առաջացել է Երևանի բնակիչներ 42-ամյա Կարոլինա Խ-ի, 27-ամյա Մեխակ Ս-ի, 20-ամյա Ռաֆայել Մ-ի, 28-ամյա Ստեփան Մ-ի, 25-ամյա Սուրեն Մ-ի, 46-ամյա Արման Խ-ի, 29-ամյա Անդրանիկ Ս-ի, 28-ամյա Էրիկ Հ-ի, 30-ամյա Արարատ Ա-ի, 28-ամյա Գուրգեն Ա-ի, 26-ամյա Սերյոժա Պ-ի միջև, որի ժամանակ վիճաբանության մասնակիցներից 2 հոգին իրենց մոտ եղած, դեռևս չպարզված ատրճանակներից կրակոցներ են արձակել։ Ոստիկաններն ու քննիչները պարզել են, որ վիճաբանություն, ծեծկռտուքի վայր են ժամանել նշված անձինք 3 «BMW», «Porche», «Toyota» մակնիշի ավտոմեքենաներով, իսկ միջադեպի ընթացքում կռվի մասնակիցներից մի քանիսը ձեռքերով և ոտքերով հարվածներ են հասցրել «BMW»-ներից մեկի ուղևորներին, որի ժամանակ էլ նշված «BMW»-ի ուղևորներից մեկը իր մոտ եղած դեռևս չպարզված ատրճանակից կրակոցներ է արձակել, որից հետո ծեծկռտուքը էլ ավելի է թեժացել ու դրանից հետո «Porche» ավտոմեքենայի ուղևորն է իր մոտ եղած դեռևս չպարզված ատրճանակից կրակոց արձակել ու այդ ժամանակ էլ «BMW» ավտոմեքենայի վարորդն ու ուղևորները փորձել են դիմել փախուստի, սակայն ծեծկռտուքի մյուս մասնակցիները փողոցում տեղադրված երկաթյա աղբարկղերով հարվածներ են հասցրել և վնասել նշված ավտոմեքենան։

Այս թեմայով Երևանի և մարզերի որոշ հասցեներում լույս չի լինի «Փաստ». «Ամեն ինչում վատն եք տեսնում». Երևանի փոխքաղաքապետն իր հոր հիմնադրած ընկերության և բիզնես-ծրագրի մասին Լարվում են Ավինյան-Փաշինյան հարաբերությունները. ԲԱՄԲԱՍԱՆՔ Հայկոյի հետ ունեինք բազում խնդիրներ, դրանցից մեկը բնակարանն էր, հայրս մեզ օգնեց ու նվիրեց բնակարան քաղաքի կենտրոնում. Անահիտ Սիմոնյան.starnews.am Այսուհետ ԶԼՄ-ների հեռախոսային հարցադրումները ձայնագրվելու են․ Երևանի քաղաքապետի մամուլի խոսնակ