Զանգահարում են մարդկանց, հավաքագրում անձնական և բանկային տվյալներ․ Կեղծիք է. Կարմիր խաչը զգուշացնում է

Անծանոթ աղբյուրներ Հայկական Կարմիր խաչի ընկերության անունից զանգահարում են տարբեր մարդկանց` օգնության տրամադրման կեղծ նպատակով հավաքագրելով անձնական և բանկային տվյալներ։

Այս մասին հայտնում է Հայկական Կարմիր խաչի գրասենյակի մամուլի բաժնի ղեկավար Արթուր Հովհաննեսյանը:

«Հարգելի՛ քաղաքացիներ, հատկապես Լեռնային Ղարաբաղից բռնի տեղահանված հայրենակիցներ, մեր ստացած տեղեկատվության համաձայն, անծանոթ աղբյուրներ Հայկական Կարմիր խաչի ընկերության անունից զանգահարում են տարբեր մարդկանց և օգնության տրամադրման կեղծ նպատակով հավաքագրում են անձնական և բանկային տվյալներ։

Հակերային հարձակումներից պաշտպանվելու համար խնդրում ենք զերծ մնալ անծանոթներին անձնական և բանկային տվյալներ տրամադրելուց։

Հայկական Կարմիր խաչի ընկերությունն իր շահառուների հետ հեռախոսազանգերի միջոցով անձնական և բանկային տվյալներ երբեք չի քննարկում։

Հարցերի դեպքում կարող եք զանգահարել Հայկական Կարմիր Խաչի ընկերության թեժ գծի հեռախոսահամարին՝ 81 84»,-ասված է հայտարարության մեջ:

Այս թեմայով Եթե տվյալ տրանսգենդերը չի նեղվել, թե իր քույրը, եղբայրը, ծնողները ինչ կմտածեն, ուրեմն մենք պարտավոր ենք հարգել այդ անհատականության որոշումը․ Հովիկ Աղազարյան Բայդենը կրել է Թրամփին աջակցող գրությամբ կարմիր MAGA գլխարկ (տեսանյութ) Տարածաշրջանում սահմանների փոփոխությունը մեզ համար կարմիր գիծ է․ Իրանի ԱԳ նախարար Փարիզում Հիսուս Քրիստոսի վիրավորական պատկերումը հատեց բոլոր կարմիր գծերը. Իրան Կարմիր խաչի ներկայացուցիչներն այցելել են Բաքվի բանտերում պահվող Արցախի նախկին ղեկավարներին