Դադարեցրեք հիմարություններ անել. Բայդենը՝ Նեթանյահուին

Միացյալ Նահանգների նախագահ Ջո Բայդենը Իսրայելի վարչապետ Բենիամին Նեթանյահուի հետ հեռախոսազրույցի ժամանակ ասել է, որ վերջինը «դադարեցնի հիմարություններ անել», գրում է The Times Of Israel-ը։

Նշվում է, որ նման պոռթկումը տեղի է ունեցել այն բանից հետո, երբ Նեթանյահուն ասել է Բայդենին, որ Իսրայելը առաջ է տանում ՀԱՄԱՍ-ի հետ պատանդների դիմաց հրադադարի համաձայնագրի շուրջ բանակցությունները և շուտով պատվիրակություն կուղարկի բանակցությունները վերսկսելու համար: Այդ բանակցությունները շարունակվում են երկար ամիսներ առանց արդյունքների, և Բայդենը նախկինում կարծիք է հայտնել, որ Նեթանյահուն միտումնավոր, ներքաղաքական պատճառներով է դա անում:

Նեթանյահուի գրասենյակն արձագանքել է այս հրապարակմանը՝ ասելով, որ վարչապետը չի մեկնաբանում ԱՄՆ նախագահի հետ իր մասնավոր քննարկումների բովանդակությունը։

Հայտարարության մեջ ասվում է, որ վարչապետը «չի միջամտում ամերիկյան քաղաքականությանը և կաշխատի նրա հետ, ով ընտրվի նախագահ, և ակնկալում է, որ ամերիկացիները նույնպես չմիջամտեն Իսրայելի քաղաքականությանը»:

Միևնույն ժամանակ, The New York Times-ը հաղորդում է, որ Բայդենը հեռախոսազրույցի ընթացքում ասել է, որ չորեքշաբթի Իրանում ՀԱՄԱՍ-ի առաջնորդ Իսմայիլ Հանիայի սպանությունը «վատ ժամանակագրված» էր։ Վկայակոչելով ԱՄՆ-ի անանուն պաշտոնյային՝ թերթը գրում է, որ Բայդենը նաև պնդում է, որ սա կարող է տարածաշրջանային պատերազմի պատճառ դառնալ:

The Telegraph պարբերականն էլ, վկայակոչելով իսրայելցի բարձրաստիճան պաշտոնյայի, հաղորդում է, որ Նեթանյահուն ավելի ազատ է համարում իրեն հարվածելու Իրանին այն բանից հետո, երբ հուլիսի 21-ին Բայդենը որոշում ընդունեց հրաժարվել 2024 թվականի ԱՄՆ նախագահական մրցապայքարից:

Մամուլի ասուլիսի ժամանակ Բայդենն անդրադարձել է Նեթանյահուի հետ իր «շատ անմիջական» զրույցին՝ ասելով, որ նա հորդորել է վարչապետին արագ համաձայնության գալ։

«Մենք հրադադարի հիմք ունենք, նա պետք է շարժվի դրա հիմքով»,- ասել է Բայդենը՝ հավելելով, որ ինքը «շատ մտահոգված է» Մերձավոր Արևելքում աճող լարվածությամբ։

Հինգշաբթի օրը կայացած հեռախոսազրույցը ԶԼՄ-ների կողմից «կոշտ» է որակվում:

Այս թեմայով Իր նախագահության ընթացքում Բայդենը հանգստացել է միջին ամերիկացու 48 տարվա արձակուրդի չափով Ինչպե՞ս ստացվեց, որ ՌԴ քաղաքացիությունից Ռուբեն Վարդանյանը հրաժարվեց, ո՞վ նրան խորհուրդ տվեց կամ հանձնարարեց անել այդ քայլը, ո՞վ գործուղեց նրան ՀՀ ու ԼՂ. Փաշինյան Դա մարազմ է, շեյթանն անգամ չէր կարող նման բան անել. Կադիրովը՝ ուկրաինական ուղղափառ եկեղեցին արգելելու Զելենսկիի որոշման մասին Բայդենը հրամայել է նախապատրաստվել միջուկային պատերազմին Չինաստանի, Ռուսաստանի և Հյուսիսային Կորեայի հետ. New York Times-ը Թուխ Մանուկ մատուռն է…այստեղ հրաշքներ են կատարվում, գիվանդները բժշկվում են…պետք է պարզապես այսպես անել մատուռի ներսում…