Արցախցիների մոտ ներքին և արտաքին ազդակների նկատմամբ խռովք կա. արցախցի փաստաբանը փակագծեր է բացում

Արցախցիների բռնի տեղահանումից հետո, Հայաստանի Հանրապետությունը սոցիալական ծրագրեր ընդունեց: Սակայն Արցախցիների մոտ չեն նվազում դժգոհությունները, ոչ միայն ընդունված որոշումների անհամարժեք դրույթների նկատմամբ, այլ նաև ընդհանուր առմամբ կա խռովքի նշաներ, ի՞նչ է կատարվում իրականում հարցի պատասխանը փորձել ենք ստանալ արցախցի հայտնի փաստաբան Ռաֆայել Մարտիրոսյանից, ով նախ նկատեց.

- Գիտեք, մարդկանց գիտակցությունը ձևավորվում է երևույթների գնահատման միջոցով: Եթե կա խնդիր, ապա կա խնդրի նկատմամբ յուրօրինակ ընկալում, գնահատում ՝ մարդկանց կողմից: Ակնհայտ է, որ ՀՀ իշխանության վերաբերմունքը Արցախահայության ճակատագրի նկատմամբ, ինչպես սոցիալական խնդիրների լուծման գործում, այնպես էլ քաղաքական ոլորտում, նպաստել է արցախահայության վարքագծի ձևավորմանը: Արցախահայությունը, անշուշտ առաջնահերթ համարում են քաղաքական անհրաժեշտ հոգածությունը: Մենք գտնում ենք, որ իրավական հիմքերի առկայության պայմաններում անհամարժեք միջոցներ չձեռնարկելը անփույլատրելի ենք համարում և միաժամանակ համարում ենք, որ Արցախի հարցը ողջ հայության գլխավորապես թիվ մեկ խնդիրն է: Իսկ եթե այդ խնդրի նկատմամբ անտարբերություն կա, ապա քաղաքական իշխանության կողմից իրականացված քաղաքականության հանդեպ, չի կարող հարգանք դրսևորվել: Ահա, թե ինչու, Արցախցինների մոտ ներքին և արտաքին ազդակների նկատմամբ խռովք կա, որը կարող է մի օր պայթել:

-Դուք ակնարկեցիք խռովքի, ինչպես նաև իրավական հիմքերի մասին, ի՞նչ նկատի ունեք, կարող եք բացահայտել:

-Արցախցիները չեն բաժանվում Արցախից: Ինչպես նշեցի, Արցախցիները, Արցախի ճակատագիրը դիտում են համայն հայության խնդրի համատեքստում: Եվ դա ողջամիտ է: Համայն հայության հայրենիքը Հայաստանն է: Հայաստանն է, որ ի դեմս քաղաքական իշխանության, պարտավոր է հոգալ համահայկական խնդիրներով: Երբ հաղթաքարտ կա հայության ձեռքին, որը կարիք ունի իրավաբանորեն ամրագրման ու դա չի արվում, ինչպես եք պատկերացնում ինչ վերաբերմունք պիտի ունենա Արցախցին քաղաքական իշխանության հանդեպ: Իսկ ինչն է իրավական հիմքը: Իրավական հիմքը Արցախցիների նկատմամբ կիրառված ցեղասպանությունն է և ՀՀ տիտղոսը Արցախի նկատմամբ,որպես ոչ միջազգային իրավունքով ադրբեջանին փոխանցված հանգամանք: Հետևապես, կարծում եմ օր առաջ ՀՀ պետք է դիմի միջազգային քրեական դատարանին ցեղասպանության հարցով, Ադրբեջանի նախագահին քրեական պատասխանատվության ենթարկելու պահանջով, ինչպես նաև արդարադատության միջազգային դատարանին ՝ 1921 թ. հուլիսի 5-ի Թիֆլիսում գումարված ՌԿ(բ)Կ կենտկոմի կովկասյան բյուրոյի պլենումի որոշմանը իրավական գնահատական տալու,այդ թվում՝ ՝Նախիջևանի հետ կապված 1921 թվականի մարտի 16-ին Խորհրդային Ռուսաստանի և Թուրքիաի միջև Մոսկվայում կնքված պայմանագրի վերաբերյալ , ըստ որի Նախիջևանը հանձնվեց Խորհրդային Ադրբեջանի խնամակալությանը։ Ահա թե որն է իրավականը:

-Պարոն Մարտիրոսյան, ինչպե՞ս եք պատկերացնում, Ձեր կողմից նշված իրավական ճանապարհը չի վտանգի ՀՀ անվտանգությանը:

-Անշուշտ, ՀՀ անվտանգությունը բացառիկ արժեք է մեզ համար, ցանկացած գործունեություն , որը կվտանգի ՀՀ շահերը, գործադրման ենթակա չեն: Ընդհակառակը կարծում եմ, որ նշված գործընթացը ավելի դրական հետևանքներ կունենա մեր հայրենիքի համար՝ հատկապես հաշվի առնելով քաղաքական բարենպաստ իրողությունը:Այդուհանդերձ այս հարցում պետք է որոշակիացվեն և հասկանալի դառնա, թե վերջապես ՀՀ ինչ քաղաքական պարամետրերի հաշվառումով է , որ նման գործընթաց չի ձեռնարկում: Սա այն խնդիրն է, որին մեր ժողովուրդը պետք է տեղյակ լինի: Վարչապետ Ն.Փաշինյանը օրակարգ է մտցրել ադրբեջանի հետ «խաղաղության պայմանագիր»  կնքելու հարցը, ինչպես եք պատկերացնում, հնարավոր է արդյոք ադրբեջանի հետ կնքել խաղաղության պայմանագիր: Գիտեք կոսմոլոգիական պարադոքս չէ չհասկանալու համար, որ խաղաղության պայմանագրի կնքումը ադրբեջանի հետ ներկա փուլում անհնարին է: Ադրբեջանի նկրտումները այլ են և ադրբեջանը ներկայումս տարածքային հավակնություններ ունի Հայաստանի նկատմամբ: Հետևապես, դժվար թե ադրբեջանը գնա խաղաղությանպայմանագրի կնքման: Այսինքն, ադրբեջանի հետ խաղաղության պայմանագիրը կեղծ կատեգորիա է: Եվ ընդհանրապես խաղաղությունը որոշակի պայմաններում իրավաքաղաքական վիճակ է,սակայն այն չունի մշտական բնույթ: Այնուամենայնիվ դա հուշում մարդկության անցած ճանապարհը,որն ընթացել է գերակշռորեն պատերազմի ուղիով: Իսկ դա նշանակում է, որ պատերազմը կեցության ձև է և գոյաբանության միջոց: Գիտեք, ես ընդհանրապես կողմնակից եմ պատերազմի փիլիսոփայական կանոններին համապատասխան բնույթով: Այսօրվա խաղաղության պայմանագիր կնքելու անհրաժեշտությունը պատասխանում է այն հարցին, թե ինչու Մեծ -Հայքը դարձավ մի փոքրիկ երկիր:

Այս թեմայով Տնտեսվարող սուբյեկտին հասցվում է մի այնպիսի անդառալի վնաս, որը թևաթափ է անում գործարարին. Ահազանգում է փաստաբանը Արցախյան երկրորդ պատերազմում նահատակված Լեւոն Լեւոնյանը օգոստոսի 13-ին կդառնար 24 տարեկան Կոյուղաջրերը լցվել են «Դատալեքս» Մեր ընտանիքի առաջին մեծ վիշտն էր, ինձ համար կյանքը կшնգնեց. Ռաֆայել Երանոսյանը՝ մոր կnրստի մասին 10 պարեկներ դաժանորեն ծեծի են ենթարկել եղբորս․ ձեռքը կոտրել են, աչքերն ընդհանրապես չեն տեսնում․ Արցախցի փաստաբան (Տեսանյութ)