Ռուսները գրավել են Պրոգրեսի հյուսիսային ուկրաինական ամրացված շրջանը` շարունակելով մասշտաբային հարձակումը (Քարտեզ)

Ինչպես ավելի վաղ տեղեկացրել ենք (https://iravunk.com/?p=288638&l=am), Օչերետինոյի հատվածում Պրգրեսը գրավելով, ռուսական ուժերի համար բացվում է օպերատիվ տիրույթ` մի շարք ուղղություններով հարվածելու համար: Տեղեկացրել էինք նաեւ, որ երեկվա դրությամբ ռուսների հիմնական խնդիրը Պրոգրես եւ ավելի հյուսիս գտնվող Տիմոֆեեւկա ու Լոզովացկ բնակավայրերի միջեւ գտնվող ուկրաինական ամրացված գոտին էր:

Եվ ահա այդ լուրջ ամրացված շրջանն արդեն ռուսների վերահսկողության տակ է: Անցեծ գիշեր ուկրաինական ուժերին հաջողվել է մասամբ դուրս քաշվել` շրջապատման մեջ չմնալու համար, սաքկայն տեղի աղբյուրները նաեւ հայտնում են, որ նահանջողների զգալի մասը ոչնչացվել է:

Այսպիսով, այս պահին ռուսական ուժերի համար առնվազն երկու առանցքային ուղղություն է բացվում: Նախ, արդեն վերսկսվել է ավելի հյուսիս գտնվող Վոզդվիժենկայի վրա գրոհը, որից հետո ռուսները դուրս են գալու Պոկրովսկ-Կոնստանտինովկա մայրուղի, որն իր հերթին հզոր հարձակման տակ գտնվող Տորեցկի պաշտպանահան գոտու մատակարարման հիմնական ուղին է:

Հաջորդը. Պրոգրեսից ռուսական ուժերի համար բացվում է Միրնոգրադ-Պոկրովսկ հարվածի ուղիղ ճանապարհը: Եվ սա այն դեպքում, երբ, ինչպես ցցույց տվեց Պրոգրեսի շատ արագ գրավումը, այս ուղղությամբ ուկրաինական պաշտպանությունը լիովին փլուզման եզրին է, եթե ոչ փլուզված: Իսկ ռեզերվների հաշվին ուղղությունը ամրացնելու հարցում ուկրաինական կողմը լուրջ խնդիրներ ունի:

Մասնագիտական աղբյուրները հայտնում են, որ ռուսներն առանց ժամանակ կորցնելու, որպեսզի ուկրաինական կողմի ամրանալու հնարավորություն չտան, ընթացքից շարունակում են մասշտաբային հարձակումը, եւ այս պահին հիմնական թիրախը Պոկրովսկ-Կոնստանտինովկա մայրուղին է` Տորեցկի պաշտպանական գոտին գրոհող ռուսական ուժերին աջակցելու համար:

Այս թեմայով Ռուսական ուժերն ազատագրել են Պրոգրես բնակավայր Ռուսաստանի ուժերը պատրաստվում են գրոհել Պրոգրեսի վրա միանգամից մի քանի կողմերից (Քարտեզ) Գյումրիում տեղի ունեցավ Զարգացման առաջնորդների ֆորումի պաշտոնական բացումը «Բորիս Մակիչյանի բուհը կարող է չկայացած է, բայց...». «Պրոգրես»-ի ռեկտոր