Արարատ Միրզոյանը բելգիացի գործընկերոջն է ներկայացրել Հայաստան-Ադրբեջան կարգավորման գործընթացը

Հայաստանի Հանրապետության արտաքին գործերի նախարար Արարատ Միրզոյանը Վաշինգտոն կատարած այցի շրջանակներում Բելգիայի արտաքին գործերի նախարար Հաջա Լահբիբի հետ ունեցած հանդիպման ընթացքում մտքեր է փոխանակել տարածաշրջանային խնդիրների շուրջ և համառոտ կերպով ներկայացրել Հայաստան-Ադրբեջան կարգավորման գործընթացը։ Այս մասին Արարատ Միրզոյանը հայտնել է X-ի իր միկրոբլոգում կատարած գրառման մեջ։

«Ինչպես միշտ, հաճելի հանդիպում ունեցա իմ գործընկեր  Հաջա Լահբիբի հետ։ Հետաքրքիր զրույց ունեցանք Հայաստան-Բելգիա կապերն ավելի ընդլայնելու ուղիների և Հայաստանի ու Եվրոպական միության գործընկերության մասին։ Մենք գնահատում ենք այն, ինչին հասել ենք և ներգրավված ենք ավելիի համար», - գրել է Միրզոյանը՝ հավելելով, որ հանդիպման ընթացքում քննարկվել են նաև տարածաշրջանային հարցեր, ինչպես նաև Երևանի և Բաքվի միջև ընթացող խաղաղության գործընթացը:

Այս թեմայով Դեռևս հայտնի չէ` Արարատ Միրզոյանը կմասնակցի «3+3» հարթակի հաջորդ հանդիպմանը, թե ոչ Աշոտ Խաչատրյանը հաղթեց ադրբեջանցի մրցակցին ու կպայքարի մեդալի համար ԱՄՆ-ում հրապարակայնորեն քննարկում են Զելենսկու փոխարինողի հարցը. Սքոթ Ռիտեր Արարատ Միրզոյանը դիվանագետների հետ այցելել է Կիրանց և ՀՀ-Ադրբեջան միջպետական սահման Արարատ Միրզոյանն ու Իրանի նախարար Սեյեդ Աբբաս Արաղչին հեռախոսազրույց են ունեցել