Վերացվում են գերեզմանոցներ, բնակավայրեր… Արցախում վերանում է հայկական շունչը

Երեւանում ՄԱԿ-ի գրասենյակի դիմաց որոշ արցախցիներ բողոքի ակցիա էին կազմակերպել: Մասնակիցներից ԱՐՄԻՆԵ ՀԱՅՐԱՊԵՏՅԱՆՆ ընդգծեց, որ Ադրբեջանը սկսած 1920-ականներից իրականացնում է էթնիկ զտումներ:

— Ադրբեջանը էթնիկ զտման է ենթարկել Արցախի տարածքը, հիմա էլ հայկական հետքի վերացման խնդիրն է լուծում: Նա ոչնչացնում է հայկական հոգեւոր շինությունները, արդեն ունենք 3 եկեղեցի հիմնահատակ ավերված` առաջինը Ջրականի Մեխակավանի Սուրբ Աստվածածին եկեղեցին էր, հետո Բերձորի եկեղեցին եւ Շուշիի Հովհաննես Մկրտչի եկեղեցին, որը հայտնի է Կանաչ ժամ անունով. հիմնահատակ ավերվել են: Եթե առաջին երկուսի դեպքում Ադրբեջանը հայտարարում էր, որ դրանք նոր են կառուցվել, ապօրինի են կառուցվել իր տարածքում, ապա Հովհաննես Մկրտչի եկեղեցին կառուցվել է 18-րդ դարում: Զանգվածաբար վերացվում են գերեզմանոցներ, բնակավայրեր, օրինակ` Քարին Տակ գյուղը: Արցախի տարածքում վերանում է հայկական շունչը:

Նշենք, որ ակցիայի մասնակիցները նաեւ ՄԱԿ-ի գրասենյակին ուղղված նամակ էին պատրաստել, որտեղ նշել էին հենց Հաագայի արդարադատության միջազգային դատարանի որոշման մասին, որպեսզի ՄԱԿ-ը ճնշում գործադրի Ադրբեջանի վրա, որպեսզի հարգի դատարանի որոշումները: Հիշեցնենք, որ 2021 թ. դեկտեմբերի 7-ին ՄԱԿ-ի Արդարադատության միջազգային դատարանը հրապարակել էր որոշում՝ ի թիվս այլ հարցերի պարտավորեցնելով Ադրբեջանի Հանրապետությանը «ձեռնարկել բոլոր անհրաժեշտ միջոցները՝ կանխելու եւ պատժելու վանդալիզմի ու պղծման գործողությունները՝ ուղղված հայկական մշակութային ժառանգության, ներառյալ՝ եկեղեցիների եւ այլ պաշտամունքի վայրերի, հուշարձանների, տեսարժան վայրերի, գերեզմանատների եւ արտեֆակտերի դեմ»:

ՀՐԱՆՏ ՍԱՐԱՖՅԱՆ                                                     

Այս թեմայով Արցախի գերեզմանափորները ԼՂ պաշտոնյա այլևս գոյություն չունի. Ալեն Սիմոնյանն առաջարկեց վերացնել ՀՀ-Արցախ միջխորհրդարանական հանձնաժողովի ֆորմատը Շահրամանյանին իշխանության է բերել Արայիկը Փաշինյանի հետ համաձայնեցնելով. Բաբայան Այս իշխանությունների օրոք պարզապես մոռացեք Արցախի մասին. Արմեն Բադալյան ՌԴ-ից ակնարկում են, որ բանակցային գործընթացում Արցախ վերադարձի հարցին դեմ չեն, իսկ ՀՀ-ից շարժ չկա. Տիգրան Աբրահամյան