Այդքան կոտրված Լալային երբեք չէի տեսել, հազիվ ճանաչեցի, լալիս էր. Վարդան Պետրոսյանը՝ Լալա Մնացականյանի հետ վերջին հանդիպման մասին

Դերասան Վարդան Պետրոսյանն անդրադարձել է ՀՀ վաստակավոր արտիստ Լալա Մնացականյանի մահվանը՝ ֆեյսբուքյան գրառմամբ պատմելով դերասանուհու հետ վերջին հանդիպման մասին:

«Անսպասելի ու ցավալի լուր… Անսահման ցավալի։ Լալան հանկարծ գնաց։ Վերջին անգամ թատրոնում հանդիպեցինք իմ վերջին ներկայացմանը։ Եկավ շնորհավորելու ամուսնու` մեր լավ նկարիչ ընկեր Աշոտ Համբարձումյանի հետ։ Այդքան կոտրված Լալային երբեք չէի տեսել։ Երբեք։ Հազիվ ճանաչեցի։ Գրկախառնվեցինք։ Լալիս էր։ Խոսքով չէր կարողանում շնորհավորել. հա լալիս էր։ Ասաց. "Ապրես, ապրելու հույս ես տալիս։ Կարծում ես, ոտքի կկանգնե՞նք"։ "Իհարկե", ասացի։ Աշոտի հետ էլ գրկախառնվեցինք։ "Ո՞նց ես, ի՞նչ կա չկա"… Գնացին։ Մտքիցս դուրս չէր գալիս։ Երբեք, երբեք այսպես կոտրված չէի տեսել նրան։ Լուրն իմացա, հիշեցի այս դրվագը… Սիրտը չդիմացավ… Ուղղակի չդիմացավ սիրտը… Բարի ճանապարհ, սիրելի Լալա… Աստված հոգիդ լուսավորի։ Աշոտ ջան, համբերություն քեզ…համբերություն` ընտանիքին ու հարազատներին, ընկերներին, բոլորիս...», - գրել է դերասանը:

Հիշեցնենք, որ ՀՀ վաստակավոր արտիստ Լալա Մնացականյանը մահացել է հունիսի 22-ին։ Նա 66 տարեկան էր։

Հոգեհանգիստը տեղի կունենա հունիսի 23-ին ժամը 18։00-20։00 Կոնդի Սուրբ Հովհաննես եկեղեցում: Ինչպես հայտնԵԼ են Հայաստանի թատերական գործիչների միությունից, դերասանուհուն վերջին հրաժեշտը տեղի կունենա հունիսի 24-ին ժամը 11։00-13։00-ն՝ նույն տեղից։

Առավել մանրամասն` այստեղ.

https://t.me/armenia24live

Այս թեմայով «ՌԴ-ն հայտարարեց Զանգեզուրի միջանցքի հարցում Թեհրանի հետ նախկին պայմանավորվածություններին իր հավատարմության մասին». Իրանական աղբյուր Սիրսկին զգուշացրել է Զելենսկուն Կուրսկում սպասվող կատաստրոֆայի մասին. Ուկրաինական աղբյուր Օ՜, ինչպիսի զուգադիպություն Ռուսաստանին և մի շարք այլ երկրներին իբր իրանական սպառազինության փոխանցման մասին հաղորդագրությունները սուտ են․ Քանանի 1 տարի 8 ամիսը «շակալադնի» է. Առուշ Առուշանյանը` իրեն կալանավորելու որոշման մասին