Ռուսները գրեթե գրավել են Ավդեեւկայից արեւմուտք ընկած Բերդիչի, Օռլովկա, Տոնենկո բնակավայրերը

Ավդեևկայի ուղղությամբ Ուկրաինայի զինված ուժերի հրամանատար Տառնավսկին հայտարարել է, թե ուկրաինական բանակը կարողացել է պաշտպանական գիծը «կայունացել» Տոնենկի-Օրլովկա-Բերդիչի հատվածում:

Բայց ահա իրականում Բերդիչի, Օռլովկա, Տոնենկո բնակավայրերում պատները «մի փոքր» այլ է:

Դեռ երեկ երեկոյան ռուսական ուժերը կարողացել էին ամրանակ այդ երեք բնակավայրերի արեւելյան հատվածում: Այս օրվա ընթացքում հիմնական գրոհը կենտրոնական դիրք զբաղեցնյող Օրլովկայում է: Կեսօրին գյուղի կեսն արդեն զբաղեցված էր ռուսական ուժերի կողմից, իսկ մնացած հատվածում ուկրաինական ուժերի վիճակը աղետալի էր. ռուսների նարձակումը, գումարած չընդհատվող հրթիռահրետանային եւ ավիացիոն հարվածները: Մասնագետների գնահատմամբ, եթե ոչ մինչ այսօևվա ավարտը, վաղը կհայտարարվի Օռլովկայի գրավման մասին:

Հյուսիսում գտնվող Բերդիչիում ու հարավում գտնվող Տոնենկոյում այսօր նման ինտենսիվությամբ հարված չկա: Տոնենկոյեի մոտ կեսը` բարձրադիր հատվածի գոտին ռուսները գրավել էին նախօրեին, եւ հիմա առաջ շարժվելու կարիք պարզապես չունեն. բնակավայրի աշխարհագրական դիրքն այնպիսին է, որ Օռլովկայի անկման դեպքում ուկրաինական ուժերն իրենք կշտապեն րոպե առաջ փախչել Տոնենկոյեից` շրջապատման մեջ չմնալու համար: Նույն կերպ Բերդիչին այս պանին երկու ուղղությունից հարվածի տակ է, եւ Օռլովկայի գրավման դեպքում նորից հեռանկարը դառնում է փախուստը կամ շրջապատումը:

Այսպիսով, եթե Ավդեեւկայի անկումից հետո խոսվում էր ուկրաինական բանակի ծրագրերի մասին` կանգ առնել Տոնենկի-Օրլովկա-Բերդիչի հատվածում եւ այնտեղ մի քանի շաբաթ ընթանում էր պաշտպանական համակարգի կառուցում, հիմա ակնհայտորեն դա չի ստացվելու: Ավդեևկայի ուղղությամբ ուկրաինական հրամանատար Տառնավսկիի համար սա եւս մեկ խոշոր պարտություն է, եւ պատահական չէ, որ հիմա, ինչպեսս Ավդեեւկայում, փորձում է համոզել, թե` ոչ մի քայլ հետ չենք գնա: