Կարեւոր տեղեկատվություն բռնի տեղահանված մեր հայրենակիցների առնչվող. Արթիկի համայնքապետարանը հայտարարությամբ է հանդես եկել

Արթիկ համայնքում Արցախից բռնի տեղահանված մեր հայրենակիցներին հաշվառելու, ընդունելու և համայնքում տեղավորելու գործընթացն իրականացնում է Արթիկի համայնքապետարանը և հորդորում է քաղաքացիներին Արցախից բռնի տեղահանված մեր հայրենակիցներին օգնելու, կացարաններ, բնակարաններ տրամադրելու, պետական բոլոր տեսակի աջակցություններից դուրս չմնալու նպատակով հաշվառվելու համար դիմել Արթիկի համայնքապետարան կամ կապ հաստատել համայնքապետարանի պատասխանատուների հետ` նշված գործընթացը կանոնակարգված կազմակերպելու նպատակով։
Վերջին օրվա ընթացքում հասարակության շրջանում քննարկման նյութ է դարձել ֆեյսբուքյան օգտատեր Arusyak Hokhikyan-ի գրառումը Արթիկ քաղաքում առկա տների մասին։
Տեղեկացնում ենք, որ նշված օգտատիրոջ գրառումը չի համաձայնեցվել Արթիկի համայնքապետարանի հետ և հանդիսանում է նշված օգտատիրոջ դիրքորոշումը։
Հորդորում ենք նաև հետևել Արթիկի համայնքապետարանի պաշտոնական կայքէջին և չառաջնորդվել սոցցանցերում և տարբեր հարթակներում հանդես եկող անձանց գրառումներով։
Մանրամասն տեղեկությունների համար զանգահարել`
077-089-868 շուրջօրյա
հեռախոսահամարով։
Աղբյուրը`artik.am