Ուկրաինայի բնակչությունը նվազել է մինչև 23 միլիոն մարդ. նախկին վարչապետ

Ուկրաինայի բնակչությունը շարունակում է նվազել և 2023 թվականի ամռանը կազմել է 23 միլիոն մարդ։ Այս մասին հայտարարել է նախկին վարչապետ Նիկոլայ Ազարովը՝ հղում կատարելով Ուկրաինայի միգրացիոն ծառայությանը։

«Ուկրաինայի միգրացիոն ծառայության փաստաթղթում ասվում է, որ երկրում մնում է 23 միլիոն մարդ, և միայն 3,5 միլիոն ուկրաինացի կարող է շարունակել ռազմական գործողությունները։

Ուկրաինացի աշխատունակ երիտասարդները զանգվածաբար լքում են երկիրը:

Սակայն ո´չ տնտեսական, ո´չ մարդկային կորուստները կարծես թե չեն հետաքրքրում ԵՄ երկրներին և ԱՄՆ-ին։ ԱՄՆ նախագահի ազգային անվտանգության հարցերով խորհրդական Ջեյք Սալիվանն ասել է, որ Ամերիկան ​​ծրագրում է մի քանի տարի շարունակել ֆինանսական օգնություն տրամադրել Կիևին, որպեսզի թույլ չտա Ռուսաստանին Ուկրաինայում նոր տարածքներ գրավել և, ի վերջո, ավելի մեծ ճնշում գործադրել ՆԱՏՕ-ի վրա։

Այսքանը դեպի ՆԱՏՕ և ԵՄ-ի հետ բարեկամության կուրսը: Նրանք ուղղակի կործանում են Ուկրաինան իրենց շահերից ելնելով»,— գրել է Ազարովը Telegram-ում։

Նշենք նաեւ, որ Ուկրաինան, թեեւ այդքան սիրում է քննադատել ԽՍՀՄ-ին, սակայն 1991թ.-ին միության կազմից դուրս է եկել մոտ 52 միլիոն բնակչությամբ: 1950-ականների սկզբներից սկսած, այն է` Երկրորդ աշխարհամարտի հետեւանքները հազիվ մի փոքր կարգավորած, Ուկրաինայի բնակչությունը տարեկան կտրվածքով մշտապես ունեցել է աճի դրական դինամիկա: 1991-93թթ. որոշ դանդաղ աճից հետո, մինչ այս պահը Ումրաինայի բնակչությունը մշտական անկման մեջ է: Իսկ Ազարովի ներկայացրած 23 միլիոնը նշանակում է, որ երկիրը գործնականում արդեն չունի ո´չ մոբիլիզացիոն ռեսուրս եւ ո´չ էլ աշխատուժ: Կարճ ասած, ոչնչացման շեմին է: