«Այսօրվա քաղաքական դաշտում ոչ ոք մարդկանց ոգեւորելու ուժ ու ունակություն չունի, բայց աղերսում ա ոտքի կանգնել, պայքարել, հայ լինել»․ Մհեր Մկրտչյան

Ռեժիսոր Մհեր Մկրտչյանը Ֆեյսբուքյան իր էջում նոր գրառում է կատարել, որում խոսել է իշխանության, մտավորականության, դիվանագետների, ժողովրդի  մասին։

«Մտավորականների ու ազգի «մեծերի» լռության պատճառը գիտեմ` իրանց տեսակը: Եթե ճիշտը` 30 տարի աճեցրած, ջրած տեսակը: Ու թող անկախ Հայաստանի ոչ մի իշխանությում չասի, որ հենց այդ տեսակի հետ «խաղալը» իրանց դուր չի եկել:

Նրանց հարցեր չունեմ:

նիկոլի ֆանատներին հարցեր չունեմ` իրանց տեսակն էլ հանելուկ չի:

Դիվանագետներին հարցեր չունեմ, որ էս նվաստացումից հետո շարունակում են աշխատել (դրա տակ)` դե տենց մարդկանցից ա բաղկացած ԱԳՆ-ն: Փողը, փողը, փողը...

Դե քննիչներ, բերետավորներ, գեներալուՀիներ` փողը, փողը, փողը...

Ստացվում ա ոչ մեկին տալու հարց չունեմ... Ու իմ նման շատ շատերը:

Այսօրվա քաղաքական դաշտում ոչ ոք մարդկանց ոգևորելու ուժ ու ունակություն չունի,  բայց աղերսում ա ոտքի կանգնել, պայքարել, հայ լինել!

Այդպես չի լինում` ազգին կամ խաբում են կամ օրինակ ծառայում:

Տվեք մարդկանց իրական (ոչ կեղծ) էմոցիա` կստանաք Ձեր մեջքին կանգնած ԱԶԳ: Այ էն ազգը, որ էսօր գիշեր ցերեկ բարի գործեր ա անում», - գրել է նա։