Աշխարհահռչակ ակրոբատ Վարդանյան եղբայրները սիրով հրավիրում են Արցախից բռնի տեղահանված մանուկներին` հեքիաթային կրկեսի մի յուրօրինակ աշխարհ

Սեպտեմբերի 30-ին եւ հոկտոմբորի 1-ին, ժամը՝ 17:00-ին, Վարդանյան եղբայրները Շապիտո կրկեսին հյուրընկալելու են Արցախից Երեւանի եւ մերձակա մարզերում տեղակայված մեր հրաշք մանուկներին: Հանրահայտ Վարդանյան եղբայրները շարունակում են գրավել հայ հանդիսատեսի ուշադրությունը եւ նրանց կողքին արենայում կլինեն համաշխարհային կրկեսի այլ աստղեր՝ ձեռնածուներ, ծաղրածու, տրապիզիստներ, լարախաղաց ակրոբատ, դանակ նետողներ եւ աճպարարներ։

Ծրագիրը ոչ միայն երեխաների համար է հետաքրքիր, այլ նաեւ մեծահասակների ուշադրությանն է արժանացել։ Ակրոբատ եղբայրները ստեղծել են բոլոր հարմարավետ պայմանները, որ հանդիսատեսը լիովին վայելի այս յուրօրինակ կրկեսը։ Երեւանում արդեն հանրահայտ Վարդանյան եղբայրների վեցերորդ ներկայացումն է կայանում, որին մասնակցել են 44-օրյա պատերազմի մասնակից հերոսների հարազատներ, ընտանիքի անդամներ, Արցախից Երեւան տեղահանված ընտանիքների երեխաներ եւ սոցիալապես անապահով բազմազավակ ընտանիքների ներկայացուցիչներ:

Ներկայացումների ընթացքում ավելի քան 600 հրավիրված հանդիսատես անվճար հնարավորություն է ունեցել հիանալ նմանը չունեցող աննախադեպ կրկեսային համարներով ։