Շատ ծնողների համոզում են, կաշառում են, վախեցնում են, բայց մենք չենք վախենում. զոհված մայոր Մելքոնյանի հայր
ՆերքաղաքականԴեռեւս նախորդ տարի սեպտեմբերի 21-ին «Եռաբլուր» պանթեոնում ոստիկանների կողմից զոհված զինծառայողների ծնողների դեմ բռնի ուժ կիրառելով բերման ենթարկելու դեպքի հետ կապված` քննչական կոմիտեում տեղի են ունենում առերերսումներ: Հարուցված քրեական գործի շրջանակներում երեկ զոհված զինծառայողների ծնողները առերեսվել են կարմիրբերետավորների հրամանատարի հետ: 44-օրյա պատերազմում զոհված մայոր Սերոբ Մելքոնյանի հայրը` ՎԱՐՈՒԺԱՆ ՄԵԼՔՈՆՅԱՆԸ, անդրադառնալով վերոնշյալին, նախ հիշեցրեց, որ Նիկոլ Փաշինյանի դեմ, որպես ազգի դավաճանի, ծնողներով բողոք էին ներկայացրել, բայց մինչեւ հիմա այդ բողոքին պատասխան չկա:
— Ինքը ո՛չ ընդունում է, ո՛չ հրաժարվում է դրանից: Այսինքն` ինքը համաձայն է, որ ազգի դավաճան է, իսկ ազգի դավաճանն իրավունք չունի սեպտեմբերի 21-ին ներկա լինել «Եռաբլուրում»: Մենք միշտ իրեն համարելու ենք ազգի դավաճան: Շատ ծնողների համոզում են, կաշառում են, վախեցնում են, բայց մենք չենք վախենում: Այն, որ հիմա մենք այստեղ ենք, նույն դավաճանության շարունակությունն է: Խաբելով ման են գալիս: Արյունով վերցրած հողը մի ստորագրությունով հանձնվեց, նույն ձեւով հանձնեցին մեր երեխեքին:
ՀՐԱՆՏ ՍԱՐԱՖՅԱՆ