Հրդեհի գործով դեռ միայն բազում անպատասխան հարցեր են

Սահ­մա­նա­յին զո­րա­մա­սում հրդե­հի եւ 15 զին­վո­րի զոհ­վե­լու պատ­մու­թյու­նից ար­դեն օ­րեր են ան­ցել, սա­կայն տա­րաբ­նույթ հար­ցե­րի պա­կաս այդ­պես էլ չկա: Ու հիմ­նա­կա­նում մեկ պատ­ճա­ռով. Դեռ ան­գամ քննու­թյու­նը չսկսած, ա­մե­նա­վե­րին մա­կար­դա­կով շրջա­նա­ռու­թյան մեջ դրե­ցին մի վար­կած, ո­րը մի­այն հար­ցեր է ա­ռաջ քա­շում` տա­րաբ­նույթ այլ վար­կած­նե­րի տե­ղիք տա­լով: Այս­պի­սով, փոր­ձենք գո­նե խմբա­վո­րել այդ բո­լոր հար­ցադ­րում­նե­րը` ա­ռաջ­նորդ­վե­լով պաշ­տո­նա­կան հայ­տա­րա­րու­թյու­նն­րով եւ լրատ­վա­կան հրա­պա­րա­կում­նե­րով:

Հարց 1

Դեռ հա­զիվ էր հրդե­հի լու­րը տա­րած­վել, որ Նի­կոլ Փա­շի­նյա­նը,  վկա­յա­կո­չե­լով Քննչա­կան կո­մի­տե­ի նախ­նա­կան տվյալ­նե­րը, շտա­պեց հայ­տա­րա­րել. «Պար­զում ենք, որ ոչ մի­այն բեն­զին է օգ­տա­գործ­վել, այ­լև փորձ է ար­վել վա­ռա­րանն օգ­տա­գոր­ծե­լու հա­մար 5 լիտ­րա­նոց տա­րա­յով, նախ­նա­կան են տվյալ­նե­րը, փորձ է ար­վել բա­ցել, լցնել վա­ռա­րա­նի մեջ, բնա­կա­նա­բար, երբ որ ար­դեն բաց կրակ է ե­ղել, այր­վել է ոչ մի­այն վա­ռա­րա­նը, նա­և բեն­զի­նը, հրդեհն ան­ցել է վա­ռա­րա­նը վա­ռել փոր­ձող սպա­յին, է­լի նախ­նա­կան տվյալ­նե­րով, էդ 5 լիտ­րա­նո­ցով բեն­զի­նը շպրտվել է զո­րա­մա­սի կա­ցա­րա­նի ուղ­ղու­թյամբ, մեծ հա­վա­նա­կա­նու­թյամբ, ոչ դի­տա­վո­րյալ»:

Շատ մաս­նա­գետ­ներ սա գնա­հա­տե­ցին որ­պես նա­խաքն­նու­թյան ուղ­ղոր­դում: Սա­կայն չմո­ռա­նանք, որ նման բան` հրա­պա­րա­կավ քննու­թյանն ուղղոր­դում, Նի­կո­լը հիմ­նա­կա­նում ա­նու­մ էր, երբ նոր էր վար­չա­պե­տի ա­թո­ռին նստել: Հե­տա­գա­յում ա­մե­նա­վե­րին մա­կար­դա­կով ի­րա­վա­պահ­նե­րին ուղ­ղոր­դե­լու մա­սին շատ է խոս­վել, բայց նման է նրան, որ Նի­կո­լը գո­նե դա այս տա­րի­նե­րին սո­վո­րել է` նման բան հրա­պա­րա­կավ չի ար­վում: Ու­րեմն, տվյալ դեպ­քում ին­չո՞ւ նման հայ­տա­րա­րու­թյուն ա­րեց, ա­ռա­վել եւս, երբ դրա­նով մի­այն նոր հար­ցեր են ծա­գում:

Հարց 2

Բեն­զի­նի վար­կա­ծի հիմ­նա­կան խնդիրն այն է, որ դա կապ­վում է այն կա­պի­տա­նի ան­վան հետ, ով, ըստ վար­կա­ծի, «էդ 5 լիտ­րա­նո­ցով բեն­զի­նը շպրտել է զո­րա­մա­սի կա­ցա­րա­նի ուղ­ղու­թյամբ» եւ կա­րո­ղա­ցել է դուրս գալ շեն­քից: Հե­տո տա­րած­վեց խո­սակ­ցու­թյուն, թե փոր­ձել է ինք­նաս­պան լի­նել: Իսկ Գլխա­վոր դա­տա­խա­զի տե­ղա­կալը Հան­րա­յին հե­ռուս­տա­ըն­կե­րու­թյան ե­թե­րում այս­պես նկա­րագ­րեց. «Նախ­նա­կան տե­ղե­կու­թյուն­նե­րի հա­մա­ձայն՝ ին­ժե­նե­րա­սակ­րա­վո­րա­յին վաշ­տի սպան, կո­չու­մով կա­պի­տան, ո­րը հան­դի­սա­ցել է օր­վա պա­տաս­խա­նա­տու հեր­թա­պա­հը, վա­ռա­րա­նի կրա­կը թե­ժաց­նե­լու նպա­տա­կով դուրս է ե­կել և զո­րա­մա­սի տա­րած­քում գտնվող 5 լիտ­րա­նոց տա­րա­յով ավ­տո­բեն­զի­նը վերց­րել և վե­րա­դար­ձել է զո­րա­նոց: Բեն­զի­նը վա­ռա­րա­նի մեջ լցնե­լու ըն­թաց­քում հրդեհ է բռնկվել, բո­ցից նա այր­վել է, հա­մազ­գես­տը՝ կպել, մե­խա­նի­կո­րեն ձեռ­քից նե­տել է բեն­զի­նով տա­րան, ո­րի հե­տև­ան­քով հրդե­հը ա­րագ տա­րած­վել և մեծ ա­րա­գու­թյամբ բռնկվել է: Գո­ռա­ցել է, բարձ­րա­ձայ­նել, մի­ջոց­ներ է ձեռ­նար­կել զին­ծա­ռա­յո­ղե­րին հա­նե­լու, բայց կրա­կը շատ ա­րագ տա­րած­վել է, իսկ մուտ­քը ար­գե­լա­փակ­վել է, և զին­ծա­ռա­յող­նե­րը այդ պա­հին դուրս գա­լու հնա­րա­վո­րու­թյուն չեն ու­նե­ցել»: Այ­սինքն, «բո­ցից այր­վե­լով», «կպած հա­մազ­գես­տով» նա ինչ­պե՞ս է կա­րո­ղա­ցել «մի­ջոց­ներ է ձեռ­նար­կել զին­ծա­ռա­յո­ղե­րին հա­նե­լու», հե­տո վա­զել է դուրս, ինք­նաս­պա­նու­թյան փորձ ա­րել: Ու դրա­նից հե­տո դեռ ո՞ղջ է մնա­ցել:

Հարց 3

Հա­զիվ էր բեն­զի­նի մա­սին Նի­կո­լի հայ­տա­րա­րու­թյու­նը մտել շրջա­նա­ռու­թյան մեջ, երբ տա­րած­վեց հրդեհ­ված կա­ցա­րա­նի դա­սա­կի հրա­մա­նա­տա­րի հար­ցազ­րույ­ցը լրատ­վա­մի­ջոց­նե­րին, ո­րը բեն­զի­նի վար­կա­ծը ոչնչ­աց­նում էր: Նրա պնդմամբ, կա­ցա­րա­նում բեն­զին պար­զա­պես չի ե­ղել: Ե­թե, օ­րի­նակ, լի­ներ էլ, ես չէ­ի թույ­լատ­րի՝ հաշ­վի առ­նե­լով հե­տա­գա վատ հե­տե­ւանք­նե­րը, որ կա­րող էր լի­նել»: Ու ի՞նչ, դա­սա­կի հրա­մա­նա­տարն այդ պարզ  բա­նը հաս­կա­նում էր, իսկ կա­պի­տա­նը` ո՞չ: Հաս­կա­նա­լի է, շտա­պե­ցին այդ վար­կածն ա­րա­գո­րեն կոծ­կել, ա­պա նա­եւ շրջա­նա­ռել լուր, թե` դա­սա­կի հրա­մա­նա­տա­րը Ար­թուր Վա­նե­ցյա­նի մտերմ­նե­րից մե­կի եղ­բայրն է, եւ հենց Վա­նե­ցյա­նի ցուց­մամբ է հար­ցազ­րույց տվել լրատ­վա­մի­ջոց­նե­րին ու քննա­դա­տել իշ­խա­նու­թյա­նը: Սրա ան­բա­րո կող­մը հաս­կա­նա­լի է: Սա­կայն փաստն այն է, որ ե­թե կա բեն­զին չլի­նե­լու մա­սին պնդում, ինչ­պե՞ս եւ ին­չո՞ւ էր Նի­կո­լը տաք հետ­քով խո­սում բեն­զի­նից:

Հարց 4

Նա­խորդ հարցն է­ա­կան է նա­եւ նրա­նով, որ բեն­զի­նի վար­կա­ծը հեր­քե­ցին նա­եւ հրդե­հի ժա­մա­նակ օգ­նու­թյան ե­կած այլ ան­ձինք եւս: Լրատ­վա­մի­ջոց­նե­րը տա­րա­ծե­ցին նա­եւ «տաք հետ­քով» զո­րա­մա­սի տրակ­տո­րիս­տի խոս­քը. «Փայտ է­ին վա­ռում, պեշ­կով է­ին տա­քաց­նում: Օր­վա էդ ժա­մին ես չեմ պատ­կե­րաց­նում բեն­զին, բայց կպչա­նի հա­մար ա­ռա­վո­տը կվա­ռեն: Ա­ռա­վո­տը պեշ­կը վա­ռում են, ու ա­նընդ­հատ մե­կը մոտն է լի­նում»: Սա շատ ա­վե­լի է ­խել­քին մոտ, քան գի­շե­րը 1:30-ին բեն­զի­նով վա­ռա­ր­ան վա­ռե­լը:

Հարց 5

Թե ինչ է հա­ջոր­դել «5 լիտ­րա­նո­ցով բեն­զի­նը զո­րա­մա­սի կա­ցա­րա­նի ուղ­ղու­թյամբ շպրտե­լուն» եւ դրա­նից բխող հար­ցե­րի մի մեծ շա­րա­նի, դեռ կհաս­նենք: Մինչ այդ, մի փոքր ա­ռաջ գնանք` կապ­ված պե­տա­կան այ­րե­րի գոր­ծո­ղու­թյուն­նե­րի հետ: Ար­դեն ա­ռա­վո­տյան նա­խա­րար Պա­պի­կյա­նը տե­ղե­կաց­րեց, որ զբա­ղեց­րած պաշ­տոն­նե­րից ա­զատ­վել է գործ­նա­կա­նում ողջ 2-րդ բա­նա­կա­յին կոր­պու­սի հրամ­կազ­մը` 8 սպա ա­զատ­վեց պաշ­տո­նից: Ա­մե­նա­պարզ հար­ցը` ին­չո՞ւ: Լավ, ա­սենք կա­պի­տա­նը կա­տա­րյալ «դե­բիլ» է, ո­րո­շել է բեն­զի­նով վա­ռա­րան վա­ռել, դրա­նում կոր­պու­սի հրամ­կազ­մի մեղ­քը ո՞րն է: Որ կա­ցա­րա­նը վա­ռա­րա­նո՞վ են տա­քաց­րել, թե` որ զո­րա­մա­սում բեն­զին է ե­ղել: Ե­թե պատ­ճա­ռը դա  էր, ա­պա բա­զում զո­րա­մա­սեր կան, որ­տեղ ե՛ւ վա­ռա­րան է առ­կա, ե՛ւ բեն­զին. պետք է բո­լոր հրա­մա­նա­տար­նե­րին ա­զա­տե՞լ: Իսկ ա­վե­լի կոնկ­րետ, ա­ռա­ջին հեր­թին` նա­խա­րա­րը, ԳՇ բարձ­րաս­տի­ճան սպա­նե­րը պետք է ա­զատ­վե­ին. վա­ռա­րան եւ բեն­զին լի­նե­լու հար­ցում նրանք ա­վե­լի մեծ պա­տաս­խա­նատ­վությ­ւոն ու­նեն, քան կոր­պու­սի հրամ­կազ­մը: Կամ ե­թե պարզ­վեր, որ պատ­ճա­ռը բեն­զի­նը չէ, այլ` քիչ հեռ­վում նստած հա­կա­ռա­կոր­դի դի­վեր­սի­ան: Կամ, օ­րի­նակ, պարզ­վեր, որ «բեն­զին լցնող» կա­պի­տա­նը սո­վո­րա­կան լրտես է, ո­րի պա­կաս, դա­տե­լով Ա­ԱԾ-ի հա­ղոր­դագ­րու­թյուն­նե­րից, չու­նենք, մի ամ­բողջ կոր­պուս, թե­կու­զեւ կարճ ժա­մա­նա­կով, ին­չի՞ հա­մար է­ին գլխա­տում:

(Թե­ման կշա­րու­նա­կենք «Իրավունքի» ուրբաթ օրվա տպագիր տարբերակում)

Ս.ԱԲՐԱ­ՄՅԱՆ