Սիրո եւ վշտի արիաները Գեւորգ Հակոբյանի մատուցմամբ

Աշխարհահռչակ «Դելոս» ստուդիան մեր ժամանակների լավագույն բարիտոններից մեկի՝ Գեւորգ Հակոբյանի մասնակցությամբ նոր ալբոմ է թողարկել։ Նշանավոր երաժշտական քննադատ Ռաֆայել դե Աչայի բնորոշմամբ՝ Գեւորգ Հակոբյանը ծագող աստղ է միջազգային օպերային ասպարեզում, ում խորը, հնչեղ ձայնը դրամատիզմ եւ վառ գույներ է հաղորդում այս ալբոմի յուրաքանչյուր արիայի միջոցով։

«Գեւորգ Հակոբյանի ձայնն իսկական դրամատիկ ձայն է, ժայռի պես ամուր։ Այս ալբոմում ներառված Պուչչինիի եւ Վերդիի ստեղծագործությունները բացառիկ մատուցմամբ են ներկայացվում Գեւորգ Հակոբյանի կողմից։ Ռախմանինովի «Ալեկո» օպերայից նշանավոր արիան Գ․Հակոբյանը ներկայացնում է համարձակ ու պաթոսով»-, նշում է իր խոսքում Ռաֆայել դե Աչան։

«Դելոսի» ձայնագրությունը համաշխարհային երաժշտական աշխարհում մեծ արձագանք է գտել, քանի որ նշանավոր օպերային երգիչ Գեւորգ Հակոբյանը ի թիվս աշխարհահռչակ կոմպոզիտորների ստեղծագործությունների՝ ներկայացրել է նաեւ հայ մեծանուն կոմպոզիտոր Արմեն Տիգրանյանի «Անուշ» եւ «Դավիթ Բեկ» օպերաներից հատվածներ, ինչպես նաեւ «Արշակ Բ» օպերայից նշանավոր հատվածներ՝ նորովի մատուցելով հայկական օպերային արվեստի լավագույն ստեղծագործությունները։

Աշխարհահռչակ դիրիժորներ Կոնստանտին Օրբելյանը եւ Ջոն Ֆիշերն են Գեւորգ Հակոբյանի կատարմամբ «Դելոսի» ձայնագրության դիրիժորները։ Նրանց ղեկավարությամբ Կաունասի սիմֆոնիկ նվագախումբը հիանալիորեն է ներկայանում։ Կոնստանտին Օրբելյանի եւ Գեւորգ Հակոբյանի համագործակցությունը շարունակվում է արդեն մի քանի տարի եւ մշտապես արժանացել է համաշխարհային նշանավոր արվեստաբանների բարձր գնահատականին։

Ռաֆայել դե Աչան եզրափակելով իր խոսքը՝ գրում է․ «Գեւորգ Հակոբյանը մեծ արտիստ է եւ արժանի է ներկայանալու աշխարհի նշանավոր օպերային թատրոններում»։

Այս թեմայով Էս մարդը ներքին ցեղասպանություն է իրականացնում. Գեւորգ Պետրոսյան Աղոթք՝ Ծիծեռնակաբերդի հուշահամալիրում Պետք է փակել թշնամու ճանապարհը, խնդրում եմ՝ ոտքի՜ կանգնեք. տավուշեցու կոչը «Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան Ակնհայտ է, որ Արեւմուտքը հոգնել է այս ամենից. Մհեր Հակոբյան