Այս իշխանությունները մեխի գլուխ են. Աշոտ Անդրեասյան
Տեսանյութեր«Անկախության սերունդ» շարժման ղեկավար ԱՇՈՏ ԱՆԴՐԵԱՍՅԱՆՆ «Իրավունք TV»-ի տաղավարում ասաց, որ ունենք ապիկար իշխանություն, որոնց շահերից չի բխում հակազդել թշնամուն, ինչի համար ասում են, թե ո՛չ գործիք ունեն, ո՛չ լծակ:
— Մի ՔՊ-ական պատգամավոր կա (ես իրենց անունները չեմ հիշում, որպեսզի չծանրաբեռնեմ իմ ուղեղը) ասել էր, որ նույնիսկ Հայաստանի անվտանգությունը չեն կարողանում ապահովել, ինչպե՞ս պետք է ապահովեն Արցախի անվտանգությունը կամ Բերձորի միջանցքի բաց լինելը: Այս ամենը ցույց է տալիս, որ այս իշխանությունները բուն իմաստով մեխի գլուխ են: Եվ առհասարակ, եթե չեն կարողանում ապահովել Հայաստանի եւ Արցախի անվտանգությունը եւ ժողովրդին համախմբել միասնական մի գաղափարի շուրջ, հարց է առաջանում` ինչ գործ ունեն այս երկրի ղեկին ու ամենաբարձր պաշտոններում: Հետեւապես, կարծում եմ, որ Բերձորի միջանցքի խնդիրն այդքան հեշտ լուծվող չէ: ՄԱԿ-ի անվտանգության խորհրդում աշխատանքային քննարկում տեղի ունեցավ Բերձորի միջանցքի բացելու վերաբերյալ, բայց դրանք բացառապես կոչեր են: Կարելի էր ավելի հայանպաստ եւ ավելի կոշտ արտահայտություններ եւ կոչեր հնչեցնել: Սա եւս գալիս է մեր իշխանությունից եւ դիվանագիտությունից: Պարզապես, բոլորը դատապարտեցին, ինչ-որ ստանդարտ ժողովրդավարական ելույթներ ունեցան` մարդու իրավունքների պաշտպանությանն ուղղված, բայց ի՞նչ եղավ… Զարթնել ենք քնից, բայց Բերձորի միջանցքը դեռ փակ է: Մեր հայրենակիցները դեռեւս շրջափակման մեջ են, խնդիրը լուծված չէ, սննդամթերքը վերջացել է, երկու հոգի մահացել են` դեղորայքի պակասի պատճառով, ցրտաշունչ ձմեռ է Արցախում, եւ ամեն վայրկյան կարող է գազի խնդիր առաջանալ, էլեկտրաէներգիան անջատվի 21-րդ դարում: Այս ամենը ցույց է տալիս, որ ժողովրդավարությունը երկրները հարմարեցնում են իրենց շահերին: Միֆ է, չկա ժողովրդավարություն, չկան արժեքներ եւ նորմեր: Ու այս իրավիճակում հայտնվեցինք, որովհետեւ ՀՀ ղեկավարը դավաճան, կապիտուլյանտ, փնթի Նիկոլ Փաշինյանն է, ում մենաշնորհն է այն խնդիրները, որոնք ունենք:
ՀՐԱՆՏ ՍԱՐԱՖՅԱՆ
Հ.Գ.-Հարցազրույցն ամբողջությամբ դիտե՛ք տեսանյութում.