Մանդատ կվերցնի՞, թե` ոչ. ինչ է որոշել Զոլաքարի նախկին համայնքապետը

«Հայաստան» դաշինքում պատգամավորական մանդատներից հրաժարվելու շքերթը շարունակվում է: Այդ մասին այսօր հայտարարեցին նաեւ գնդապետ Սայաթ Շիրինյանն ու մուլտիպլիկատոր Դավիթ Սահակյանցը:

Դաշինքի ցուցակում նրանց նախորդած համարներից միայն ՀՅԴ-ական Մհեր Սահակյանն ու Արփինե Վարդանյանը ինքնաբացարկի վերաբերյալ ո՛չ հայտարարություն են տարածել, ո՛չ էլ դիմում ներկայացրել ԿԸՀ, հետեւապես արդեն կարելի է եզրակացնել, որ հաստատ վերցնում են պատգամավորական մանդատները: Դաշինքի ցուցակում հերթը հասել է նաեւ Զոլաքարի նախկին համայնքապետ ԱՐՄԱՆ ՂԱԶԱՐՅԱՆԻՆ, ում հետ զրուցել է «Իրավունքը»:

— Պարոն Ղազարյան, վերցնելո՞ւ եք Ձեր պատգամավորական մանդատը:

— Դեռ վերջնական որոշում չունենք: Ճիշտն ասած, չենք քննարկել: Իրավական գործընթաց կա, երբ ինքնացարկ հայտնողների ժամկետը լրանա, կերեւա:

— Բայց Ձեր տրամադրվածությունն ինչպիսի՞ն է` խորհրդարանական աշխատանքի անցնելու վերաբերյալ:

— Էլի եմ ասում` վերջնական որոշում չկա: Կքննարկենք ՀՅԴ-ի հետ եւ որոշում կկայացնենք, որովհետեւ ես անկուսակցական եմ, բայց իրենց ցուցակով եմ մասնակցել ընտրություններին:

ՀՐԱՆՏ ՍԱՐԱՖՅԱՆ

Այս թեմայով Կայացավ «Տանիքը` Հայաստան» խորագրով ազգային փոքրամասնությունների փառատոնը Երեւանի սրտում Իշխանությունը իշխում է Հայաստանն՝ ի շահ թուրքերի. Արթուր Խաչենց Արթուր Խաչենցի շնորհավորանքը՝ «Իրավունք»-ի 35-ամյակի առթիվ Որտե՞ղ էր պարոն Բաբայանը 2020 թվականի նոյեմբերի 6 ին, երբ մենակ թողեց երկրի նախագահ Արայիկ Հարությունյանին, որի կառավարության կազմում ԱԽ քարտուղարն էր. Օկուպացված Արցախի պատգամավորը փակագծեր է բացում «Հանուն նոր միության» շարժման հայտարարությունը՝ Արթուր Վարդանյանի վերաբերյալ