Սեւքարեցի Սաքոյի մահվան տարելիցին նվիրված միջոցառում՝ «Զորավար Անդրանիկ» թանգարանում
ՄշակութայինՕրեր առաջ «Զորավար Անդրանիկ» թանգարանում տեղի է ունեցել հայ ազգային-ազատագրական շարժման գործիչ, ֆիդայի սեւքարեցի Սաքոյի մահվան տարելիցին նվիրված միջոցառում:
«Նման առիթների դեպքում՝ տնօրեն ազնվազարմ տիկին Ժորժետա Առաքելյանը սիրով է տրամադրում թանգարանը՝ գիտակցելով, որ այդ միջոցառումները նպաստում են մատաղ սերնդի դաստիարակությանը եւ, իհարկե, մեր հերոսների անունները վառ են պահում մեր ժողովրդի մեջ: Պետք է նշեմ, որ այդ օրը աշակերտները մեծ ոգեւորությամբ եւ ինքնաբուխ երգում էին հայրենասիրական երգեր: Միջոցառման կազմակերպիչն էր «Ֆիդայի» հասարակական կազմակերպության նախագահ պարոն Չիլինգարյանը, մեկ անգամ եւս շնորհակալություն՝ հայրենանվեր գործի համար հարգարժան տիկին Ժորժետա Առաքելյանին», - «Իրավունքի» հետ զրույցում նշեց ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆԸ, ով ներկա է եղել միջոցառմանը:
ՀՐԱՆՏ ՍԱՐԱՖՅԱՆ