Ինչ է կատարվում «Հայաստան» դաշինքի ներսում

ՀՀ երկրորդ նախագահ Ռոբերտ Քոչարյանին մոտ կանգնած մեր աղբյուրները վստահեցնում են, որ «Հայաստան» դաշինքի կազմալուծման մասին ալենսիմոնյանական խոսակցությունները չափազանցված են: Սակայն այդ խոսակցություններին «Հայաստան» դաշինքի առաջին դեմքերը չեն շտապում վերջակետ դնել, որովհետեւ սա հարմար առիթ է պատեհապաշտներից ազատվելու համար: Այս գործընթացին կողմ է նաեւ «Հայաստան» դաշինքի մաս կազմող ՀՅԴ-ին, որովհետեւ անգամ եթե «Հայաստան» խմբակցությունում մանդատները վայր դնողները շատանան, իրենք էլ ավելի են ուժեղանալու, քանի որ դաշինքի ցուցակի ներքեւի շարքերում ՀՅԴ-ականների պակաս չկա:

Ինչ վերաբերում է ԱԺ «Հայաստան» խմբակցության պատգամավոր ԱՐԱՄ ՎԱՐԴԵՎԱՆՅԱՆԻՆ, նրա մանդատը վայր դնելը բոլորովին առնչություն չունի «Հայաստան» դաշինքի կազմալուծումը գուժող լուրերի հետ: Խնդիրն այն է, որ «Հայաստան» դաշինքի մի շարք կարկառուն ներկայացուցիչների գլխին շարունակում է առկախված մնալ աղմկոտ քրեական գործեր, որոնք նույնիսկ նոր թափ ստանալու միտում ունեն: Իսկ այդ պարագայում Արամ Վարդեւանյանի պոտենցիալը շատ ավելի կարեւոր կլինի օգտագործել փաստաբանական տիրույթում: Հատկապես, երբ «Հայաստան» խմբակցության պատգամավորներից մեկի շահերը պաշտպանող փաստաբան Էրիկ Ալեքսանյանը կալանավորված է, իսկ Ռոբերտ Քոչարյանի փաստաբաններից Ռոբերտ Սահակյանը` մահացել: Այսինքն` կարիք կա, ուժեղացնել փաստաբանական թիմը: Այնպես որ, Արամ Վարդեւանյանի այս քայլը լիովին տեղավորվում է «Հայաստան» դաշինքի մարտավարության մեջ:

Իսկ թե ինչ դրդապատճառներով կլինեն այլ պատգամավորների կողմից մանդատներ վայր դնելու հայտարարություններ, ցույց կտա ժամանակը: Համենայնդեպս, անգամ ներկուսակցական հակասությունների ֆոնին, շատերը չեն էլ շտապում մանդատներ զիջել:

ՀՐԱՆՏ ՍԱՐԱՖՅԱՆ

Այս թեմայով Երեւանի սիրտը պետք է լցվի ժողովրդով, ամեն գնով սրանց պետք է հեռացնենք. Մարգարիտ Եսայան Երբ տեսնեմ ինձնից շատ ակնկալողներ կան, լուծումների իմ տարբերակն ասելու եմ. Սերժ Սարգսյան Արցախը տվեցինք, արդյոք Հայաստանը պաշտպանված է. Թագուհի Թովմասյան Կոպիտ սխալ եմ համարում այս օրհասական պահին հանրային քննարկման առարկա դարձնել այն հարցը, թե ո՛վ պիտի լինի Ամենայն Հայոց հաջորդ հայրապետը. Մելիքյան «Ապագա կա» ասողները կործանել են երկրի ապագան. Աղվան Վարդանյան