Հայաստան-Թուրքիա-Ադրբեջան` երեք իշխանություն աշխատում են իրար հետ համագործակցաբար. Լոքմագոզյան

Միջինարեւելյան ուսումնասիրությունների կենտրոնի տնօրեն, թուրքագետ ՏԻՐԱՆ ԼՈՔՄԱԳՈԶՅԱՆԻ գնահատմամբ` Թուրքիան էլ, Ադրբեջանն էլ նույն քաղաքականությունն ունեն, սակայն Թուրքիան ավելի քաղաքակիրթ ձեւով է արտահայտում իր նպատակները, իսկ Ալիեւն ավելի «չոբանական ձեւով»:

— Թուրքիան հին արմատներ ունեցող երկիր է, քաղաքականությունից, դիվանագիտությունից լավ է հասկանում, դասական, նուրբ դիվանագիտություն է իրականացնում, իսկ Ադրբեջանի պարագայում, դա կացինով դիվանագիտությունն է: Ադրբեջանն ավելի վտանգավոր է: Ինչպես ասում են՝ ավելի լավ է խելոքի հետ քար կրես, քան հիմարի հետ փլավ ուտես, մինչդեռ Ադրբեջանն անհաշվարկելի է, իր հետ չես կարող նորմալ, դասական ճանապարհով աշխատել: Այսինքն` Թուրքիայի հետ կարելի է այսպես ասած՝ նստել-խոսել, բայց Ադրբեջանի հետ դժվար է: Չնայած երկուսի նպատակներն էլ, մեծ հաշվով, Հայաստանի հետ կապված նույնն են: Նրանց նպատակները ոչ միայն համընկնում են, այլեւ անգամ այսօրվա Հայաստանի իշխանությունների նպատակներն են համընկնում իրենց հետ: Երեք իշխանություն աշխատում են նույն ուղղությամբ՝ իրար հետ համագործակցաբար: Մեր վարչապետն այնպիսի բաներ է ասում, որ եթե Ալիեւը լիներ մեր նախագահը կամ վարչապետը, այդ խոսքերն այդպես չէր արտասանի: Նա շարունակ մեզ է մեղադրում, օրինակ, ասում է` Հայաստանը խրված է թուրքական պետությունների արանքում: Ստացվում է՝ ոչ թե իրենք են եկել մեզ շրջապատել, այլ մենք ենք մտել իրենց արանքը, իրենց բաժանել: Սա լրիվ Թուրքիայի տեսակետն է: Դեռեւս 100 տարի առաջ էլ իրենք ասում էին՝ դուք խրված եք սեպի նման եւ չեք թողնում, որ իրականացնենք թուրանական միասնականությունը: Փաստորեն, 100 տարի առաջվա ծրագիրը Հայաստանի իշխանության օգնությամբ թուրքերն ի կատար են ածում:

ՀՐԱՆՏ ՍԱՐԱՖՅԱՆ

Այս թեմայով Այս ռեժիմը որոշել է սպանել Արմեն Աշոտյանին. Նաիրա Զոհրաբյան Սա խայտառակ դատական պոռնոգրաֆիա է. Նաիրա Զոհրաբյան Միջազգային հանրությունը մի ձեռքով մատ է թափ տալիս Ադրբեջանի վրա, մյուս ձեռքով ասում` շարունակիր. Հաջիյան 2018-ի իշխանափոխությունը կազմակերպված էր Արեւմուտքի կողմից. Արտակ Զաքարյան Վանդալները ոչնչացնում են փառքի անկյունները՝ բռնազավթված Արցախի ուսումնական հաստատություններում