Կապիտուլյանտը վերցրել էր ալիեւյան ակնոցն ու փորձում էր դնել մեր հասարակության աչքերին. Նազարյան

ՀՀԿ խորհրդի անդամ ԼԵՎՈՆ ՆԱԶԱՐՅԱՆԸ Նիկոլ Փաշինյանի հերթական հարցազրույցը համարում է ավելի շատ մանիպուլյատիվ, քան թե քաղաքական:

— Կապիտուլյանտն իր հերոստրատյան կերպարով, մանիպուլյատիվ տեխնոլոգիաների միջոցով փորձում էր բթացնել հայ ժողովրդի բաց նյարդի ցավը` ասելով, կոպիտ ասած, որ գերեզմանն էլ հայ ժողովրդի համար վատ տեղ չէ: Հողի տակ էլ կարող է տաք լինել, միջազգային հանրությունն էլ կարող է մի հատ լավ մարմարից գերեզմանաքար բերել ու դնել հայ ժողովրդի վրա: Ամբողջ խնդիրն այն է, որ Հերոստրատը պատմության մեջ հռչակավոր դառնալու համար այրեց Արտեմիսի տաճարը, Նիկոլ Փաշինյանն էլ որոշել է այրի, գերեզմանն իջեցնի հայ ժողովրդին եւ հայկական պետականությանը: Հայտնի հոգեբանական տեխնոլոգիա կա` երբ ուզում ես ինչ-որ մեսիջ հղել ժողովրդին, բայց շատ հաճախ չես կարողանում, չես ուզում կամ ուղիղ ասելու չէ այն, ինչ պետք է ասես, այսպես բերում «կոլոլում ես» եւ հրամցնում ես հասարակությանը, որպեսզի երկրորդականի մեջ կորի հիմնական գլխավոր ասելիքը: Իսկ ասելիքը մեկն էր` արցախահայության ճակատագրի հետ կապված իրենք փորձում են լվանալ ձեռքերը եւ երաշխիքներ չեն տրամադրում նաեւ Հայաստանի Հանրապետության անվտանգության տեսանկյունից եւ ձեռք են քաշում ՀՀ սուվերենությունից: Կապիտուլյանտը վերցրել էր ադրբեջանական, ալիեւյան ակնոցն ու փորձում էր դնել մեր հասարակության աչքերին: Իսկ մարդիկ գիտեն, որ ակնոց կրելուց որոշ ժամանակ անց սկսում են չզգալ ակնոցի ծանրությունը, եւ աշխարհն այլ կերպ են ընկալում: Նա ամեն ինչ արեց, որ հայ հանրությունը ղարաբաղյան հիմնախնդրի եւ հայկական պետականության ապագան տեսնի ալիեւյան, ադրբեջանական աչքերով:

ՀՐԱՆՏ ՍԱՐԱՖՅԱՆ

Այս թեմայով Զարուհի Փոստանջյանը ջահակիր էր Եթե Նիկոլը դավաճան ու հողատու է, անիմաստ չե՞ն նրան ձեր տված հարցերն ԱԺ-ում. քաղաքացին՝ Լ. Քոչարյանին Հայի ոգին դեռ վերջնական չի վերացել, Տավուշից կարող է սկսվել ամենամեծ պայքարը. Գրիգոր Հարությունյան Աղոթք՝ Ծիծեռնակաբերդի հուշահամալիրում Պետք է փակել թշնամու ճանապարհը, խնդրում եմ՝ ոտքի՜ կանգնեք. տավուշեցու կոչը