Միջազգային երաշխիք չկա, այսօր կա միայն մեկ երաշխիք. դա ռուս զինվորն է. Վահան Բաբայան
ՆերքաղաքականՄիջազգային երաշխիք չկա, այսօր կա միայն մեկ երաշխիք. դա ռուս զինվորն է: Միակ տարբերակը ՌԴ երաշխիքն է, որ արցախահայությանը չեն ենթարկելու ցեղասպանության: Դա արդեն ակնհայտ իրողություն է: Փաշինյանը իր այսօրվա, այսպես կոչված, հարցազրույցում փրփուրներից է կախվում եւ ուզում արդարանալ, որ կարող է նաեւ տարածաշրջան հրավիրել արեւմտյան երկրների զինված կոնտինգենտ, ինչը լուրջ խնդիր է առաջացնելու թե ՌԴ-ի, թե Իրանի հետ:
Պետք չէ մանիպուլացնել այս կարեւորագույն հարցը, ի՞նչ ՄԱԿ, ի՞նչ ԵԱՀԿ: Դե թող ՄԱԿ-ն ու ԵԱՀԿ 2020թ նոյեմբերին մտնեին Արցախ եւ կանգնեցնեին ադրբեջանական բանակին: Ռուսաստանն է հայ ժողովրդի անվտանգության այսօրվա միակ երաշխավորը: Եվ, այո, շատ ճիշտ է, եթե կնքվի որեւէ պայմանագիր եւ այն չլինի ՌԴ-ի հետ (այլ ոչ թե որեւէ ուժեղ երկիր) համատեղ աշխատանքի արդյունք, այլ լինի արեւմտյան տարբերակ, այն կդառնա դատարկ թղթի կտոր:
Պետք չէ փնտրել միջազգային այլ հզոր երաշխավորներ, որեւէ երկիր դա մեզ չի երաշխավորելու, դա կարող է անել միան Ռուսաստանը: Մի զբաղվեք ինքնախաբեությամբ», - գրել է Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԸ: