Փաշինյանն անլեզու կենդանու նման միայն կարողանում է ներսում ընդդիմության վրա քրգործեր կարել. Անդրեասյան

Լրացավ 44-օրյա պատերազմի երկրորդ տարելիցը, որն ամեն կերպ պաշտոնատար անձինք փորձեցին մոռացության մատնել ու չհիշել` չեղան ո՛չ ցավակցություններ, ո՛չ հայտարարություններ, ո՛չ հարգանքի տուրք Եռաբլուրում, ո՛չ էլ առավել եւս` հույս ներշնչող խոսքեր: Մինչդեռ դրան հակառակ` հայ հանրությունը ստիպված եղավ լսել Ադրբեջանի նախագահ Իլհամ Ալիեւի հոխորտանքները, սպառնալիքներն ու հեգնանքը: Այս մասին «Իրավունք TV»-ի տաղավարում զրուցել ենք «Հաղթանակի սերունդ» շարժման ղեկավար ԱՇՈՏ ԱՆԴՐԵԱՍՅԱՆԻ հետ:

— 2020 թվականի նոյեմբերի 9-ից հետո արդեն սովորել ենք, որ թշնամու ոչ մի արած հայտարարությանը Նիկոլ Փաշինյանը եւ իր իշխանությունները համարժեք հայտարարություն չեն անելու: Առհասարակ, բոլոր այն մարդիկ, ովքեր մի փոքր ուսումնասիրել են, թե ինչ է տեղի ունեցել, հասկացել են, որ Նիկոլ Փաշինյանը այստեղ կատարում է Թուրքիայի եւ Ադրբեջանի հանձնարարությունները: Էլ ինչի՞ մասին է խոսքը, ի՞նչ ցավակցություն, ի՞նչ այց Եռաբլուր, եթե նույնիսկ սեպտեմբերի 13-14-ին տեղի ունեցած փոքրիկ պատերազմում զոհված մեր 200-ից ավել տղաների անունները չեն հրապարակել, եւ հայտնի չէ, թե որքան զոհ ունենք,  ովքեր են գերի ընկել, ում մարմիններն են դեռեւս մնացել այն տեղում, որտեղ այդ տղաները զոհվել են` հանուն Հայրենիքի: Այնպես որ, մեզ համար այլեւս այս ամենը զարմանք չի առաջացնում, թե Նիկոլ Փաշինյանը եւ իր իշխանություններն ինչ մոտեցում ունեն: Ուղղակի, չեմ կարողանում պատկերացնել իր անհայրենիք լինելու սանդղակն ու չափը, որովհետեւ երկրի ղեկավար լինելով` գոնե ձեւի համար պարտավոր էր գնալ Եռաբլուր: Ներելու տեղ էլ չեն թողնում այն մարդկանց մոտ, ովքեր պայքարում են նրանց դեմ: Ինչ վերաբերում է Ալիեւի հայտարարություններին, շատ ուշադիր հետեւել եմ: Նրա խոսքերն ամենեւին էլ խաղաղության մասին չէին: Ադրբեջանցիները` Աիեւի գլխավորությամբ, ինչ-որ նոր ռազմական գործողություններ ձեռնարկելու կոչերով են զբաղված: Ամոթ ու խայտառակություն է մեզ համար, որ Ալիեւը շատ հստակ նշում է, թե Նիկոլ Փաշինյանը վախեցավ եւ Բերձորը, Աղավնոն ու մնացած տարածքներն առանց մի կրակոցի հանձնեց: Նա խոստովանում է, որ պատերազմն իրենք են սկսել եւ ստիպել նոր տարածքներ հանձնել, իսկ այժմ ադեն ՀՀ սուվերեն տարածքում են: Բարձր դիրքեր են զբաղեցրել, որտեղից երեւում է Ջերմուկը, Սեւանը, Սյունիքի քաղաքները: Կոպիտ ասած` սպառնում է Ալիեւը, որ Հայաստանն իրեն խելոք պահի եւ 2020 թվականի նոյեմբերի 9-ին ստանձնած պարտավորությունները կատարի: Նիկոլ Փաշինյանը անլեզու կենդանու նման միայն կարողանում է ներսում ընդդիմության վրա քրեական գործեր կարել ու մատ թափ տալ, զոհվածների ծնողներին բերման ենթարկել, անարգել ու ամենավատ ձեւով վարվել նրանց հետ: Բոլորս պետք է հետեւություն անենք եւ հասկանանք, որ ճիշտ էինք, երբ ասում էինք` կզած խաղաղություն հաստատելով` չես ապահովագրում քո ժողովրդին, քո բանակին, քո երկրին, այլ պարզապես ավելի ես մոտեցնում  թշնամուն քեզ, որպեսզի քո կործանումն առավել շուտ լինի: Ամեն ինչ պարզ է, որ սրանք դավաճան են, թուրքի դրածո են, որոնք պետք է ամենախիստ ձեւով կրեն իրենց պատիժը` իրենց արած հացագործությունների համար:

ՀՐԱՆՏ ՍԱՐԱՖՅԱՆ

Այս թեմայով Դուք չեք կարողացել 44 օրյայի զոհերի անունները հրապարակել, 1,5 միլիոն զոհի անուն հրապարակո՞ղ եք Իշխանական վախերը հասել է հիստերիայի ՀՀ կառավարության պատասխանը «Գոյ» թատրոնին Դեռահասների ագրեսիան գալիս է նաև ընտանիքից. Իրինա Ծատուրյան Փաշինյանը փակագծեր չի բացում. արեւմտամետները կասկածում են