Եթե Հայաստանը հրաժարվում է Ղարաբաղի հարցի քննարկումից, կներեք, ՌԴ-ն չի կարող այն ինքնուրույն քննարկել. Միհրանյան

Ըստ ռուսաստանաբնակ քաղաքագետ, ՄԳԻՄՕ պրոֆեսոր ԱՆԴՐԱՆԻԿ ՄԻՀՐԱՆՅԱՆԻ` ռուս խաղաղապահների մուտքը դանակ էր Նիկոլ Փաշինյանի եւ նրա թիմի մեջքին, քանի որ նրանք արդեն 20 տարի ասում են, որ Ղարաբաղը բեռ է, բալաստ, որը պետք է գցել:

— Երբ ՌԴ նախագահն ուզում էր անմիջապես կանգնեցնել այդ ռազմական գործողությունները, այդ ժամանակ ՀՀ վարչապետն ասում էր՝ ինչպե՞ս կարող էի կանգնեցնել, ինձ կասեին` դավաճան, կհանեին, պետք էր շատ մարդ սպանել, այդ վախը խորացնել հայ հասարակությունում, որ հուսահատ պատրաստ լինեին ընդունել ցանկացած աղետալի գործողություն, որը կանեին ներկայիս ՀՀ իշխանավորները: Շատ կարեւոր է, որ եթե Հայաստանը հրաժարվում է Ղարաբաղի հարցի քննարկումից ու պատրաստ է հանձնել Ղարաբաղը «վաշինգթոնյան տարբերակով», կներեք, ՌԴ-ն չի կարող այդ հարցը ինքնուրույն քննարկել՝ առանց Հայաստանի: Չնայած ես մտածում եմ, որ եթե Ղարաբաղն ու ՌԴ-ն միմյանց հետ պայմանավորվեն, այդ ժամանակ հնարավոր է եւ առանց Հայաստանի, ինչի՞ է պետք Ղարաբաղին նման Հայաստանը: Միեւնույն ժամանակ, պետք է ասեմ, որ ՀԱՊԿ-ում ՌԴ-ի դիրքորոշումն ինձ դուր չի գալիս: Այն, որ Ադրբեջանի ներխուժումը երեք տեղերից ագրեսիա է, դրա մասին ասում են ֆրանսիացիները, ամերիկացիները, որոնք ՀՀ-ի ռազմավարական դաշնակիցը չեն, բարեկամ երկրներ չեն, իսկ ՌԴ-ն ձեւ է բռնում, որ այդ հարցը իրեն որեւէ կերպ չի առնչվում: Նույնիսկ Փելոսին է ասում, որ վատ է, երբ ՀՀ սուվերեն տարածք է ներխուժում Ադրբեջանը, իսկ այստեղ իբր փորձագետներն ասում են՝ նա հիմար է, ոչ մի բան չի հասկանում, Ղարաբաղում է եղել, որեւէ կերպ Հայաստանի տարածքի հետ կապ չունի: Կարծում եմ` ՌԴ-ն պետք է հստակ դիրքորոշում ունենա: Եթե հայտարարվեց, որ Ղարաբաղը պաշտոնապես Ադրբեջանի մաս է, ոչինչ անել չենք կարող, դրա շրջակա տարածքների հետ կապված բանակցություններ են գնում, Հայաստանը չնեղացա՞վ դրանից, հիմա ի՞նչ, ՌԴ-ն վախենում է, որ Ադրբեջա՞նը կնեղանա: Ակնհայտ է, չէ՞, որ ՀՀ տարածքն է, ամբողջ աշխարհը դա գիտի:

ՀՐԱՆՏ ՍԱՐԱՖՅԱՆ

Այս թեմայով Ակնհայտ է, որ Արեւմուտքը հոգնել է այս ամենից. Մհեր Հակոբյան Դուք չեք կարողացել 44 օրյայի զոհերի անունները հրապարակել, 1,5 միլիոն զոհի անուն հրապարակո՞ղ եք Ինչպես պահել պետությունը` Վրաստանի ու Ղրղզստանի օրինակով. Աղվան Պողոսյան Ահաբեկչություն Մերձմոսկվայում. ի՞նչ է այս պահին հայտնի Ահաբեկիչների ղեկավարներն Արեւմուտքից են. Գայանե Ներսիսյան