Էհ, Արմեն, Արմեն...Իսկ դու ո՞ւմ ես ծախվել. Աննա Հովներ
Մշակութային«Էհ, Արմեն, Արմեն... բա եղա՞վ: Դու փորձ ունեցող, բավականին լավ ճանապարհ անցած դերասան ես. ինչե՞ր ես քեզ թույլ տալիս: Անվանում ես Նորատ Տեր-Գրիգորյանցին ծախվա՞ծ: Դու գոնե գիտե՞ս` ով է Նորատը: Դու ծախված ես համարում Աֆղանստանի Սովետական 40-րդ Բանակի շտաբի պետին, Սովետական Ցամաքային Զորքերի գլխավոր շտաբի պետի տեղակալին, 1992 թվականին Հայկական Բանակի հրամանատարին, ով բազմաթիվ շքանշաններ ու պարգևներ ունի,
ով Ռուսաստանի Ցամաքային զորքերի վետերանների խորհրդի պատվավոր նախագահն էր և Ռուսաստանի հայերի միության խորհրդի անդամ, և դեռ համարձակվում ես խոսել, որ այս մարդը ոչինչ արած չունի՞: Աֆղանստանն ու Արցախն անցած 86 տարեկան մարդն ու՞մ պետք է ծախվի քո կարծիքով: Լենինի շքանշանից մինչև Մարշալ Բաղրամյանի բազմաթիվ շքանշաններ ունեցող այս հզոր ռազմական գործիչն ու՞մ է ծախվել, Արմե՜ն:
Իսկ դու ու՞մ ես ծախվել, որ այսքան ատում ես նախկիններին և չես էլ փոշմանում, որ 2018-ին դուրս ես եկել փողոց, երբ պետք է ամաչես ու բացատրես, թե ո՞նց եղավ, որ ատելով նախկիններին` 2007 թվականին քեզ տալիս են «Արտիստ» թատերական մրցանակ` «Տղամարդու լավագույն դերակատարման համար» Ռոբերտ Քոչարյանի օրոք, իսկ 2012-ին արդեն Սերժ Սարգսյանի օրոք դու վերցնում ես «Տարվա լավագույն դերասան» -ի մրցանակը: 2015-ին դու արժանանում ես Երևանի քաղաքապետարանի կողմից «Երևան քաղաքի մշակույթի պատվավոր գործիչ» հուշամեդալին, 2016-ին ստանում ես պատվոգիր ՀՀ մշակույթի նախարարության կողմից:
Իսկ 2017 թվականին դու դառնում ես Հայաստանի Հանրապետության վաստակավոր արտիստ և ստանում ես այդ բարձր կոչումը հենց Սերժ Սարգսյանի կողմից:
Այսքանով, ի դեպ, քո մրցանակ ստանալու և գնահատված լինելու դուռը փակվում է, որովհետև այս իշխանությունների օրոք քեզ հիշող չկա նույնիսկ: Հիմա եթե դու համարում ես, որ նախկինները «թալանչիներ» են. այդ դեպքում ինչու՞ տեսանկյունդ չես հայտնել այն ժամանակ, երբ քեզ պատվոգրեր էին տալիս և վաստակավոր դարձնում: Այդ ժամանակ թալանչիներ չէին, իսկ իշխանափոխությունից հետո դարձա՞ն:
Դու այնքան ուտող ուրացող ես, որ 2017-ին դարձար վաստակավոր ու մի քանի ամիս անց վազեցիր մերժելու: Դու քեզ ո՞նց կանվանես, Արմեն: Ես զարմանում եմ պարզապես, թե ո՜նց եք սենց ապրում: Ո՜նց եք դաստիարակում սերունդ: Սա խայտառակություն է, և ես ցավում եմ, որ քեզ պես սրիկան ինձ հետ նույն օդն է շնչում մի քաղաքում: Ամո՜թ քեզ», - գրել է ՀՀԿ մշակույթի հանձնաժողովի նախագահ, երգահան ԱՆՆԱ ՀՈՎՆԵՐԸ՝ հրապարակելով ՀՀ վաստակավոր արտիստ Արմեն Մարգարյանի լուսանկարը՝ նախկինների եւ ներկաների օրոք:
Հիշեցնենք, որ այսօր Արմեն Մարգարյանը սոցցանցում վիրավորական արտահայտություններ էր արել Աֆղանստանի Սովետական 40-րդ Բանակի շտաբի պետ, Սովետական Ցամաքային Զորքերի գլխավոր շտաբի պետի տեղակալ, 1992 թվականին Հայկական Բանակի հրամանատար Նորատ Տեր-Գրիգորյանցի հասցեին: