Հետազոտությունները պարզել են՝ ինչու խորհուրդ չի տրվում քնելուց առաջ հեռախոսը թողնել մահճակալի կողքին
Հասարակություն20 հետազոտությունների վերանայման արդյունքում պարզվել է, թե ինչու խորհուրդ չի տրվում քնելուց առաջ հեռախոսը թողնել մահճակալի կողքին։
Հետազոտության համաձայն՝ հարցվածների կեսից ավելին (48 տոկոս) գիշերը քնում է հեռախոսը մահճակալի կողքին դրված, գրում է Techlikethis-ը։
«Սա նշանակում է, որ եթե ձեր հեռախոսը գտնվում է մահճակալի կողքին, ապա այդպիսով կմեծանա քնի անբարենպաստ արդյունքի հավանականությունը։
Սա ամենաշատը հարված է հասցնում պատանիներին։ Հետազոտողներն ուսումնասիրել են, թե ինչպես են TikTok-ի եւ Instagram-ի նման կայքերը ստիպում երեխաներին վախենալ ինչ-որ բան բաց թողնելուց։ Սոցիալական մեդիան տեղափոխել է դպրոցի տարածքից մեր երեխաների ննջասենյակ, եւ նրանք անցկացնում են հեռախոսի առջեւ օրը 24 ժամ, շաբաթը 7 օր, իսկ ակտիվությունը հասնում է գագաթնակետին գիշերը:
Քնի պակասը կարող է հանգեցնել դեպրեսիայի։ Հետազոտության արդյունքները ցույց են տվել, որ դեռահասները, որոնք քնելուց առաջ օգտագործել են սոցիալական ցանցերը, ավելի շատ դժվարություններ են ունեցել քնելու հետ, եւ դա կապված է դեպրեսիայի բարձր մակարդակի հետ»,-նշում են հետազոտողները։