Շուտով` Ադոնցի 18 հասցեում գործելու է «Հայբուսակ» համալսարանի կլինիկան. «Հայբուսակ» համալսարանի նոր ձեռքբերումների մասին
«Անչափ ուրախալի փաստ է , որ այս տարի համալսարանի դիմորդների մեծամասնությունը ընտրել են Հայբուսակը համալսարանում սովորող իրենց ընկերների խորհրդով ' այլ կերպ ասած , հենց մեր ուսանողներն են " գովազդում " մեզ ...նրանք են այն անաչառ ներքին շահակիցները , որոնք որոշում են համալսարանի ապագան , նրա դերն ու նշանակությունը բարձրագույն կրթության համակարգում' Հայաստանում և նրա սահմաններից դուրս »- այս մասին «Իրավունքի» հետ զրույցում ասաց Երևանի «Հայբուսակ» համալսարանի Բժշկական ինստիուտի տնօրենի ' արտասահմանյան ուսանողների գծով տեղակալ Նարինե Մարիտիրոսյանը, ընդգծելով.
-Շուտով` Ադոնցի 18 հասցեում կգործի «Հայբուսակ» համալսարանի կլինիկան, որը կծառայի, նախ ,որպես կլինիկական բազա մեր ուսանողների համար, և երկրորդ , այն կիրականացնի բնակիչների բուժօգնությունը ' հագեցած փորձառու մասնագետներով , լաբարատոր- ախտորոշիչ ժամանակակից սարքավորումներով , իսկ երկու տարվա ընթացքում նրան կմիանան նաև ստացիոնար ծառայություններ մատուցող բաժանմունքներ :
Տիկին Մարտիրոսյանը տեղեկացնում է նաեւ.
-«Հայբուսակ» համալսարանը շարունակում է իր համագործակցությունը Վրաստանի եւ Եվրոպական համալսարանների հետ դրամաշնորհային Erasmus + Safemed+ ծրագրի շրջանակներում , որի համատեսքստում մեր համալսարանի շահած 86 հազար Եվրո գումարը ծառայում է համալսարանի սիմուլյացիոն կենտրոնի հարստացման , Մասնագիտական Կրթական Ծրագրի լրամշակման ,դասախոսների վերապատրաստման , բուժական գործ մասնագիտության բաժնում ուսանողների գործնական հմտությունների ձևավորման և զարգացման գործին ։
ԻԼՈՆԱ ԱԶԱՐՅԱՆ