ՖԻՖԱ-ն` Արսեն Զախարյանի՝ Հայաստանի ազգային թիմ հնարավոր տեղափոխության մասին

ՖԻՖԱ-ի մամուլի ծառայությունն արձագանքել է Ռուսաստանի հավաքականի կիսապաշտպան Արսեն Զախարյանի՝ Հայաստանի ազգային թիմ հնարավոր տեղափոխությանը։

«Ինչ վերաբերում է Արսեն Զախարյանի՝ Հայաստանի հավաքական տեղափոխությանը, ապա արժե ուշադրություն դարձնել «Ներկայացուցչական թիմերի խաղին մասնակցելու իրավունքը կարգավորող կանոնների մեկնաբանությանը» և «Իրավասության համար դիմելու կամ ասոցիացիայի փոփոխության ուղեցույցին»:

Մեկնաբանության հիմնական նպատակն է բացատրել խաղացողների՝ միջազգային ֆուտբոլում ազգային հավաքականում խաղալու իրավասության վերաբերյալ կանոնները, մինչդեռ ուղեցույցը տրամադրում է ամբողջական վերանայում իրավական ընթացակարգերի և փաստաթղթերի վերաբերյալ, որոնք անհրաժեշտ են ցանկացած իրավասության կամ ասոցիացիայի փոփոխության հայտի համար, որը ներկայացվում է ֆուտբոլային տրիբունալ»,- ՖԻՖԱ-ի մամուլի ծառայությունից հայտնել են ռուսական Sport24-ին:

Այս պահին գործող կանոններով Զախարյանը չի կարող հանդես գալ Հայաստանի հավաքականում եւ քաղաքացիություն ստանալն այս դեպքում ոչինչ չի նշանակի։ Բացառություններ անելու մասով, որպես այդպիսին պրակտիկա չկա, բայց որեւէ մեկը չգիտի ՖԻՖԱ-ի քայլերի հաջորդականությունը, գուցե լինեն փոփոխություններ որոնք հնարավոր կդարձնեն ֆուտբոլիստի ազգային հավաքականը փոխելու ցանկությունը։ Հիշեցնենք, որ Մոսկվայի «Դինամոյի» 19-ամյա կիսապաշտպանը 2021 թվականի սեպտեմբերից հրավիրվում է Ռուսաստանի հավաքական, որի կազմում մասնակցել է  4 հանդիպման: