Հանրահավաքի մասնակիցներն Արման Թաթոյանին չցանկացան լսել

Երբ Նիկոլ Փաշինյանի կողմից ԱԺ ամբիոնից անոնսավորվեց, թե փաստաթուղթ է ստորագրելու, որի համար իրեն կարող է անվանել՝ «դավաճան», հանրության մի լայն զանգված ինքնաբուխ դուրս եկավ փողոց ու շրջափակեց խորհրդարանի շենքը: Թվում էր, թե այս անգամ Փաշինյան Նիկոլն այլեւս որեւէ շանս չունի, քան հրաժարական տալ, բայց արի ու տես, որ միայն թվում էր:

ԱԺ շենքի դարպասների մոտ էին շտապել ոչ միայն ցասումի հասնող բարկությամբ քաղաքացիներ, այլ նաեւ սադրիչներ ու ո՛չ ավել, ո՛չ պակաս վարչապետի թեկնածուների մի ամբողջ գունապնակ: Վճռական քայլերի սպասող հանրության առաջ «քաստինգի» էին մասնակցում վարչապետի հնարավոր տարբեր թեկնածուներ: Այդ շարքից հետ չմնաց նաեւ ՀՀ Մարդու իրավունքների պաշտպան ԱՐՄԱՆ ԹԱԹՈՅԱՆԸ, ով ազդարարել էր սոցցանցում, թե գալիս է Բաղրամյան պողոտա ու քիչ անց հայտնվեց հարթակում:

Բայց, Բաղրամյան պողոտան Սարյանի պուրակը չէր, որ Թաթոյանին լսեին՝ իր դե ֆակտո մի 50 հոգանոց «ֆան կլուբի» ներկայացուցիչները:  Նրա ելույթը ԱԺ շենքի դիմաց տեղադրված հարթակից, ուղղակի, տապալվեց՝ նախ իրավիճակին ոչ համահունչ պաթոսախառը ելույթի պատճառով: Նրան չցանկացան լսել: Ըստ էության, Արման Թաթոյանը չհանձնեց «քննությունը»՝ ներկաներին չառաջարկելով ոչ մի լուծում ու գործողություն եւ չասելով որեւէ նոր բան: Ինքն էլ ներկայանալով՝ որպես ՀՀ քաղաքացի եւ ոչ ավել:

Ի դեպ, հատկանշական է այն, որ Արման Թաթոյանի եթե չասենք «դուխը», բայց ռիսկը չհերիքեց մի թթու ու կծու խոսք ասել Նիկոլ Փաշինյանի եւ ՔՊ-ականների մասին: Նրա ձեւակերպումները սահմանափակվեցին «գործող» եւ «այսօրվա» իշխանությունների պատասխանատու անպատասխանատվության մասին գնահատակններով: Այդուհանդերձ, Ա. Թաթոյանը եզրափակեց իր խոսքը հետեւյալ ձեւակերպմամբ. «Ես ձեզնից մեկն եմ եւ ձեր տրամադրության տակ եմ՝ ցանկացած հարցով»: Ու մինչ որեւէ հարցով նրան որեւէ մեկը կդիմեր, ասենք, վարչապետի թեկնածու դառնալու, նա զարմանալիորեն անհետացավ հարթակի մերձակայքից:

ՀՐԱՆՏ ՍԱՐԱՖՅԱՆ

Այս թեմայով Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Սկսում ենք Նիկոլին հանձնման, եթե կուզեք՝ զիջման կամ փոխզիջման գործընթաց. Արման Մխիթարյան Շիրինյան-Սաֆարյան «միջնորդական առաքելությունն» ավարտվել է ֆիասկոյով Ո՞վ կամ ովքե՞ր են կանգնած այս ամբողջի թիկունքում. Ռոբերտ Մարգարյան Շատ մարդ է ներքաշված այս խայտառակության մեջ. Սաղաթելյանը փակագծեր է բացում