Ո՞ւր է անհետացել Սուրեն Պապիկյանը

Ադրբեջանական ագրեսիայի պայմաններում վերջին օրերին Հայաստանից բացակայում է Պաշտպանության նախարար Սուրեն Պապիկյանը։

Վերջինս, նշենք, գրեթե մեկ շաբաթ առաջ աշխատանքային այցով մեկնել է Միացյալ Նահանգներ և մինչ օրս չի վերադարձել։

Ընդսմին, նման դեպքերում տրամաբանական կլիներ, որ Պապիկյանը բարեհաճեր դադարեցնել իր աշխատանքային այցը Միացյալ Նահանգներ և վերադառնար Հայաստան։ Նա, սակայն, ՔՊ մեր աղբյուրների փոխանցմամբ զբաղված է բացառապես Միացյալ Նահանգներում սեփական կարիերան առաջ տանելու գործով։ Ընդսմին, վերջին օրերի ընթացքում որևէ հանդիպում չի ունեցել։

«Արլինգտոնի» զինվորական պանթեոն այցից և ԱՄՆ պաշտպանության փոխնախարարի հետ հանդիպումից հետո, նա ընդամենը հանդիպումներ է ունեցել Միացյալ Նահանգներում հայ համայնքի որոշ ազդեցիկ ներկայացուցիչների հետ, նրանց հետ քննարկել Հայաստանի ներքաղաքական իրավիճակը և փորձել է շատերին սիրաշահել։

«Քաղաքացիական պայմանագրում» կարծում են, որ Պապիկյանի այս գործողությունները ուղղված են ոչ այնքան Հայաստանի շահերին, այլ ավելի շատ Նիկոլ Փաշինյանի դեմ։

Իշխանությունը մտավախություն ունի, որ ներկուսակցական հեղաշրջում կարող է լինել, և Պապիկյանն ու իր կողմնակիցները կկարողանան լեզու գտնել թե՛ ընդդիմության, թե՛ արտերկրի ազդեցիկ հայկական կառույցների հետ, իսկ Հայաստանում էլ կկարողանան իրենց մրցակիցներին համոզել, թե ֆորս-մաժորային իրավիճակում անհրաժեշտ է հեռացնել Նիկոլ Փաշինյանին և նրա փոխարեն վարչապետ ընտրել Սուրեն Պապիկյանին։

Դրա համար նույնիսկ հատուկ քարոզչական մեթոդներ են մշակել քպ-ականներին համոզելով, թե Պապիկյանն օրինակ որևէ պատասխանատվություն չի կրում 44-օրյա պատերազմում կրած պարտության համար։ Այդ ժամանակ, հիշեցնենք, Պապիկյանը Տարածքային կառավարման նախարարն էր և զինված ուժերով չէր զբաղվում։

Վերջին սրացումը, սակայն, լրջորեն խախտել էր նաև Պապիկյանի դիրքերը, առանց այն էլ նրան Պաշտպանության նախարարությունում լուրջ չէին ընդունում, իսկ առայժմ Հայաստան չվերադառնալու նրա որոշման պատճառով զինվորականությունը ընդհանրապես կորցրել է նրա նկատմամբ հարգանքի վերջին նշույլները։

Նյութի աղբյուրը՝ https://1or.am/?p=114243&l=am

Այս թեմայով Առաջարկություն՝ «Արտավազդ»-ի բեմից. ռուսական թատրոնի նախկին տնօրենը ներկային ծրարն էլ հանձնեց Սուրենյանցը միտինգ է անելու «Վարորդները տուգանքի մատերիալ». Երեւանի կենտրոնն իր գինն ունի Ինչ են քննարկել Արցախի նախագահի հետ փակ դռների հետեւում Հայտնի է, թե քաղաքապետի թեկնածուները երբ եւ որտեղ են քվեարկելու